الراسخون في العيلم موحماد مول الحانوت

بتاريخ 15 دجنبر 2014

هد الصباح ديال لتنين مكانحملوش صباح منحوس و مقود بكل ماتحويه الكلمة من معنى ..... بنادم ديلمو كايفيق خاسر مخنزر محنزز حالتو حالة ...... حليت أسيدي جا مول الخبز قودناها أنا وياه على البرد ديال نهار الحد مبغاش إرجعو قاليك ماخدمتش .... قلت ليه ونا مالي خدم ولا ماخدمش ضهر الفران لي واسع و عريض ماشي ضهري أنا هز البرد ديالك داه بزز ...... المهم أسيدي لي غايفييض الكاس ديال بصاح و هي ديال ولاد القحاب ديال سونطرال شفت داك نهار فالكروب ديالنا حنا مالين الحوانت فالفايس كلشي،كايتشكى بشي تامبر كايزيدوه علينا تقريبان ربعة تال ستة دراهم فالنهار ..... أنا عمري مارضيت ليها البال و لكن ملي مشيت جبت فكتورات ديالهوم لقيتها بصاح كايحويونا غا بالفن ضانون ديالهوم كايدير تلاتين ريال فالأسواق الكبرا و حنا گول بزيادة ديال ديك ستة دراهم كايطيح علينا بربعين و كانبيعوه بربعين الحوااااا بعينيه ..... جاو أسيدي هد الصباح قييت ليهوم داكشي لي خاصني حطوه حطو ليا الفاكتورة عاوت الحساب لقيت خمسة دراهم وسبعين فرانك زايد قلت ليه أجي أ عباس شوف ليا هد الفاكتورة واش هي هاديك ولارغلط گاليا لا هي هاديك مهم كانعاودو الحساب كانعاودوه تال على لخر لقينا خمسة دراهم وسبعين زايدة قلت ليه ديال أش،قاليا ها هو تامبر ماشفتيهش قلت ليه وديالاش هد التامبر قاليك ديال الدولة و لا ماعرت شريكة أنا داكشي بعيد عليه قلت ليه ورجع ديك سلعة مخاصينيش ..... قاليك و تلاجة قلت ليه غدا جيو ديوها ...... الجودة كل صندوق ديال الحليب كايعطيوك معاه جوج رايبي فابور وشريكة خرى نقصة جوج دريال فأي حاجة على سونطرال و هادو قالو ليك لا مامنوع تحط،سلعة فتلاجة ديالنا من غير سلعتنا لاڤوار باش إرجعوه خاصك تحضر المرود و المقدم والبوليس و الوقاية المدنية مالنا على هد التقحبين كل و هد الدال و العبودية والإستحمار إقودو هما وسلعتهوم ...... مهم أسيدي فضيت مع دوك ولاد القحاب بقيت كانبش فواحد المجر لقيت واحد الكتاب ماعرت شكون نساه عندي غمال و تغبر تمة سمييتو " ليس من القرادة " بكترة ماطلع ليا الدام بكترة ماضحكني عنوان الكتاب قلت ليه وراه هد صباح صباح مقرد نيت....... قلت أراااا مكاين مايدار نتهجاو فهد لخرا شوية إلى خلاونا هد ولاد القحاب السيرة الداتيا ديال كاتب الكتاب تقول أن إسمه " بيوردن كيرتن عالم فيرلندي رائيس قسم الجيولوجيا في جامعة فيرلندا ماعندوش ديانة ملحيد ..... قاليك أسيدي في مقدمة الكتاب دوزت عمري كل في دراسات بقايا الإنسان على وجه الأرض ولقيت بأن أقدام أثار للإنسان سابق وجوده على أقدام أثار للقرادة و إلى كانت هناك علاقة بين القرد و الإنسان فالقرد هو لي كان أصلو إنسان و ماشي العكس كيما قال دروين ......... خراني بالضحك قلت هد القلاوي واش ضرب شي جوان واش شرب شي قلوة الناس كانو واحلين كيفاش تحول القرد اإلى الإنسان هو قاليك العكس الغريب في،قضية هد المولحيد أنه دوز نص فعمرو و هو كايقلب على الحقيقة و فلخر خرجات ليه هد النتيجة و بعلم محض باش وصل إليها قاليك أسيدي أنا ما مشيت نشوف تلك الفوارق الصعبة لي كاين بين القرد و الإنسان بحال العقل و التميير و التعبير و الإحساس و الإنفعال و المهارات و ....و ......و ....... مشيت قرنت غا الهيكل العضمي ديال القرد و ديال الإنسان ولقيت فوارق هائلة ..... مع العلم أن عملية التطور و التغيير من شكل إلى أخر خاصها عشرة ألف سنين فكيف تحولت و كيفاش حدث هدا التغيير من قرد إلى إنسان في فترة زمنية قصيرة ؟ لي خراني فهد الكتاب بالضحك و هو أن مولاه كايكتب كايكتب كايكتب تا طاب كرو و ضييع نص فعمرو فالبحث على الحقيقة و ما وصل لتا شي قلوة مافيا أنا ليقرا داكشي كامل مشيت شفت لخر ديال الكتاب باش من خلاصة خرج و خا عطانا النتيجة فلول مافيها باس نشوفو النهاية ...... لقيتو أسيدي قال ليك ...
من أين جاء هذا الإنسان ؟؟
هل أنزل إلى الأرض من السماء ؟؟
هل هي عودة لقصة أدام و حواء ؟؟؟
ولا أن هد سؤال مغايقدرش إجاوب عليه إلا الرجال لهم الإتصال بعلم الغيب بغير واسطة مادية ( الأنبياء )
لي عجبني فهد الكاتيب و هو تشابوتو بأفكارو و بالإلحاد ديالو بالرغم من أنه و ضر نص فعمرو وهو كايقلب على الحقيقة داكشي لي قال دروين لقاه ما صحيحش القرآن ما بغاش إدخل ليه لدماغو إلا أنه بقا مولحيد تمات ( ماشي مولحيد مغربي ) أرا دابا نشوفو الملحدين ديالنا عمرو دار شي بحث عمرو دار شي،قلوة باه و مو كايصليو الختانة مختن العيد كايعييد و مولخيد ولكن ماعندوش شي حقيقة متبثة حاجة واحدة لي كايقول ليك ملي كاتقول ليه علاش نتا مولحيد " كايقوليك القرآن كايكدب نظريات دروين كاتقول أننا نحن كنا قرادة و من بعد،تحولنا الإنسان " تقولو أن نضريات دروين و ملي كانقولو نضرية يعني كانقولو شي حاجة تثبيت على وجه التحديد واحد الحاجة خرى بلأدلة والبراهين والعلم كاتبيين مجموعة من الحقائق و نتا باش توصل الحقيقة و باش تيق بنضاريات دروين خاصك تدير تا نتا نفس العملية و البحث نفسه باش توصل تا نتا الحقيقة ملمةسة ماشي قريتي عليها ولا سمعتيها حيت ملي كانقولو الإلحاد راه كانقولو شي حاجة كبيرة وكبيرة بزاااااااف ماشي كيف ولينا كانشوفوها دابا فالفاسبوك ...... أما باش تقوليا نتا و تايق فراسك أنه قال دروين و شكون قال ليك نتا بلي غا طلقها عليك دروين إلى كنتي بعدا غاتييق غاتييق تييق القرآن لي جا هادي الاف السنين أما دروين راه مات غا 1880 يعني واااالو و هناك دراسة أخرى قبل نضاريات دروين تتبت أن الإنسان سابق القرد إلى هده الأرض بملايين السنين و هد نضرية تاهي نكدبوها ونتييقو ديال دروين ....... جاي كاتقول ليا مولحيد و هو فالحقيقة نقدر نقوليك أنا %80 فالمئة من شعب الحرتوك كلهم مولحدين بطريقة أخرى غا هو كاين لي كايصرح بيها و كاين لي مكايصرحش بيها حيت تا باش نعتانق ديانة ولا نقدس شي حاجة ونركع ونسجد ليها و أنا ماعرف عليها تاشي قلوة من غير أني ورثها من أبأونا الأولين هذا راه فحد،داتو إلحاد و أكثر بكثير من الإلحاد ...... أنا كانشوف أنا دروين و هد الكاتب الفرلندي و بزاااف من المولحدين إقدرو إسبقو موسلمين القرن الواحد والعشرين إلى الجنة غا بالعلم ديالهوم وبالجد والإجتهاد ديالهوم الجهاد في سبيل الله ماشي هو غا تهز سيف و تجلط،فبنادم و لا تمشي لسوريا ولا فلاسطين هو أه راه بصاح أحب الأعمال إلى الله هو الجهاد يعني جهد غسل دماغك نقي راسك ديها فكرك جهد باش تخرج من أزمات الفقر ماشي الفقر المادي الفقر المعرفي والعلمي و الفكري ..... البحث عن الحقيقة تا هو جهاد ماشي غا في سبيل الله بل جهاد في التقرب إليه والوصول إليه سيكون أروااااااع بكثير من أي نوع من جهاد أخر ..........

موحماد مول الحانوت