قصتي مع بنت خالتي الجزءالاخير

بعدما خرجت خالتي بساعة ونص تنسمع تلفون ديال لواليدة تيصوني جاوبات وبقات تتهضر شويا وهيا تشوف في وقالت ليا مبروك العفريت بنت خالتك راه وافقت عليك معرفت واش نفرح ولى نبكي المشكل هوا علاش وافقت وانا فايت ليا ضحكت عليها وتقبتها أصلا انا محاملش نزيد نبقى معاها حيت لقيتها تتسحر ليا كيفاش باغيني نخطبها ونتزوج بيها كاع وخا هيا كانت زوينة وأي واحد يتمناها ولكين عقلية قديمة بزاف لدرجة باقا تأمن بالسحر بقيت ساكت مبغيت نقول والو لواليدة نعرف بعدا هاد ختنى شنو تحث راسها وعلاش وافقت عليا وهادشي لي بقيت تنفكر فيه الليل كامل مجانيش النعاس حتى فقت صباح لبست حوايجي وخرجت غادي لجامعة وصلت تنقلب على بنت خالتي وهيا تبان ليا واقفا بعيد وتتشوف فيا مقداتش تقول ليا اجي ومع دالك مشيت قلت ليها سلام بقات تتشوف فيا وقالت ليا من بعد داكشي لي درتي ليا كامل جاي تتقول ليا سلام فلبلاصة جاوبتها فكري حتى نتي اشنو درتي واش نسيتي راك كنتي تتسحري ليا بدات عاودتاني نفس الكاسيطة (انا درت لك داكشي حيت تنبغيك ومبغيتكش تشوف فوحدا اخرى من غيري ...) قلت ليها ومن بعد دابا شنو ماما وماماك تصالحو ودابا باغين يجيو لعندكم السيمانة الجايا وكان تيسحاب ليا غدا تقولي لا وغا تهنينا بزوج ساعا وافقتي فلبلاصة قالت ليا شوف دير لي بغيتي انا باغا نبقى معاك وأصلا كن مكنتش تنبغيت منجيش لعندك لدار وعارفا خالتي مكيناش ودير معايا داكشي ودابا انا موافقة على هادشي لي داروه دارنا ونتا ? بقيت ساكت وقلت ليها هادشي ماشي لعب خاصني وقت نفكر مزيان حيت هادي ماشي غولاسيو عادية راه تنهدرو على خطبة ومن بعدها زواج وهادشي خاصو تفكير لموهم قلت ليها غدا ونقولك شنو كين مشيت لدار فلعشيت دخلت لبيتي سديت عليا وبركت تنفكر واش نوافق على هاد السحارة ولى لا ونتهنا حتى تيصوني تلفوني ونمرة ديال صفاء معرفتش شنو باغا حيت يلاه كنت معاهاعيطات ليا جاوبتها قلتلها شنو كين مالك قالت ليا شنو قررتي راه لواليدة تتوجد فشي حاجا واقيلا داركم غيجيو لعندنا باش تخطبوني قلت ليها شوفي انا موافق ولكين نتي تديري شي حوايج ميتقبلهمش لعقل بقات تتقول ليا شوف ولله حتى مدرتش لك شي حاجا خيبا غير باش نبقى عزيزة عيلك وصافي قلت ليها أوكي ولكين تكون اخر مرة جيت إلى سمعت شي حاجا بحال هكدا عاودتاني غادي متبقايش تشوفي هاد لوجه قالت ليا صافي اخر مرة ، وهيا تعيط ليا لواليدة وطبعا مقلت ليها والو على داكشي لي كانت تدير ليا بنت خالتي حيت غدا تولي مخاصما مع مها عاودتاني قالت ليا لواليدة وليدي شوف نهار الخميس غادي نخطبو لك بنت خالتك إلى مكنتيش باغي قولها دابا قبل ما تولي المسألة فيها خطبة قلت ليها لا الواليدة لي بان لك انا بعدا موافق وحتى درية تنعرفها من شحال هادي صافي قالت ليا ولله إكمل بلخير اوليدي وجمع راسك راه غنمشو نهار لخميس أي بعد يومين قلت ليها صافي لبست حوايجي ومشيت للجامعة مع دخلت تنلقاها تتسنى فيا وتضحك صافي وصلاتها لخبار بلي نهار لخميس غنجي انا ودار نخطبوها مع وقفت معاها قالت ليا ههههه زماني وضفاك سكتينا غيسمعك شي واحد وغيولو شادين فيا قالت ليا اوكي بلاما ندخلو يلاه نخرجو نمشيو لشي بلاصة نهظرو مزيان قلت ليها اوكي خرجنا خديت واحد الموطور من عند واحد عشيري وكنت انا لي مقاد ليه لوراق ديال الموطور حيت العميم خدام فديوانة مقدرش يقول ليا لا ، خديتو ومشيت انا وياها لمدينة لقديمة بقينا تنسركلو داك نهار كامل مخلينا تا شي قنط تا لعشية ومشينا لديك لقهوة لي موالفين نريحو فيها مع بركنا تما وهوا يعيط ليا سرباي قاليا اجي نهدر معاك مشيت لعندو قاليا وا ثبي ياك قلت لك راه كانت تتدير لك شي حاجا فلقهوة ومزال تتجي معاها لهنا قلت ليه ههه اودي قصة طويلة منقدرش نعاودها لك لموهم شكرا خويا ورجعت ريحت حداها ومن بعد وصلتها لدار ورجعت لداك عشيري موطورو ورجعت لدار صافي غدا غنمشي انا و لواليدة و الواليد وخويا لكبير باش نخطبوها وخا يلاه كنت معاها كنت حشمان وخايف فنفس اللحضة حيت هيا تقدر تدير ليا شي بلان غير باش ترد ليا صرف على نهار لي دقت ليها الحلوة وأخيرا جا داك نهار لي كنت تنخمم ليه وصل لخميس لي كنت غنمشي فيه انا ودار نخطبو ديك بنت خالتي صفاء نضنا بكري مشيت لحمام رجعت لدار بقيت مطايف معا الواليدة شي ساعتين قالت ليا والو تلبس كوستيم اودي نعلي شيطان راه متيجيش معايا وانا غالبا عليا ضحكت وعاد زيد ملي نلبس داك لكوستيم بقات معايا حتى قنعاتني ولبستو ولكين ولله ما نخرج فدرب بحال هكدا جا لواليد هزنا من العتبة ديال لباب مشافني حد وصلنا دخلنا لعندهم بركنا حطو لقص تكلمنت عليهم فلماكلة الواليد وهوا يشوف فبات صفاء وقاليه شوف اخويا البنت بنتنا و الولد ولدكم وبغينا بنتكم ... ، لموهم الواليد بقى تيعنب فيهم معرفتو منين جاب داك لعجب لي كان تيقول خخخخ ، لموهم راجل خالتي قاليه موافقين مغنلقاوش لبنتنا حسن من ولدكم حشمني ولد الطحبة تنتسنا ف صفاء تبان باقا مدخلتش حتى تتبان ليا داخلة وضفاك تيتيزة مقودة صدماتني بصح هيا ديما زوينا ولكين دابا زادت زيانت وحتى الواليدة محيداتش عينيها عليها حتى خرجنا من عندهم وصلنا لدار بارك وهوا يجي لعندي الواليد قالي شوف اوليدي راك دابا خاطب بنت يعني خاصك تجمع كرك فالجامعة راه مبقى لك والو إوى كون راجل وداكشي لي درت حيت بديت تنحس بالمسؤلية لي تحطيت فيها وداز داك لعام بزربة حيت داز زوين حتى تيجي نهار لي غندوزو فيه الإمتحانات وكنت مدخل معايا النقلة فلوراق والتلفون الموهم انني نفاليدي وصافي دخلنا و من زهري جاو عندي شي اساتدة دمادم و دوزتها عليهم .دازة سيمانتين طويلة بزاف عاد حطو لينا نتائج جا عندي واحد ولد الدرب باش نمشيو بزوج مشينا وقفنا قدام الطابلو لي فيه لأرقام تنقلب متنلقاش رقمي وخا هكداك ممتيقش ومزال تنقلب والو أنا قودتها يعني كاع داكشي لي كنت تنفكر فيه مشى وتكتب عليا عام اخر بقيت واقف فبلاصتي حتى تنسمع صوت صفاء وشدات ليا من يدي وقالت ليا سوف راه ممكتاباش لك هاد العام قلت ليها نتي ماشي بحالي هادشي علاش تتقولي هادشي كون ما فاليديتيش العام كون حسيتي بيا وخليتها واقفة وتميت غادي خارج بقات تتعيط عليا ولكين كنت كاعي بزاف خرجت معاقلش على راسي انا اول مرة كتوقع لي فحياتي تنسمع تلفوني تيصوني تتبان ليا النمرة ديال الواليد باغي يعرفني اشنو درة جاوبت قالي شنو اوليدي شنو درتي قلت ليه الواليد سمح ليا انا قالي صافي ممكتابش ماشي نتا اول واحد وخا هكداك انا بقى فيا لحال بزاف غادي لدار وانا فحالة بحال لغيبوبة انا كنت تنخطط لشي حاجا كبيرة والمشكل انني درت جهدي كامل وخدمت مزياان غادي فطريق حتى تنسمع صوة ديال فران ديال طموبيل كيف درت باش نشوف شنو تنلقى بلي أنا طايح فشانطي لالة زينة وزادها نوار لحمام حسيت بلي كلشي واقف ضدي وانا طايح معرفت شنو وقع ليا حتى فقدت لإحساس ومعقلت حتى ضرباتني الفيقة فسبيطاربقيت فاقد الوعي معرفش شحال ديال الوقت لموهم اول ما حليت عينيا تيبان ليا لواليد والواليدة وخالتي لي هيا لأم ديال صفاء بسبيطار متكي قالو ليا بقى بفحال هاكداك متحركش بغيت عاد تتبان ليا صفاء داخلة وعينيها حمرين بحالا كانت تتبكي تنسول تيقولو ليا بلي يوماين وانا مغيب فاك داكشي ديال بوليوود متيقتش حتى شفت تلفوني ومولات الطونوبيل لي ضربتني تا هيا واقفة بغيت نوض تنحس برجليا تقال تنحيد اليزار تيبان ليا رجلي ليسرا كاملا كبص فاك قالو ليا بلي تهرست من رجلي ليسرا وتشقق ليا لعضم ديال ليد ليسرا وتضربت ضربة مقودة فلخر ديال راسي (ارتجاج المخ ) متيقتش وبقيت قالولي خاصك تبقى فسبيطار شي يامات عاد تخرج أنا ما وفقتش ولكن رغموني أنني نبقى ولا تيقتلني الملل نهار كامل واتا مريح فايسبوك كانو صحاب الدار كيجيو كل النهار عندي وحتى بنت خالتي مكانش تتخليني بوحدي تتجي كل نهار تنبقى شاد معاها ستون حتى تتجي عندي وتتقولي يوسف عندي لك واحد الخبار زويين قلت ليها شنو ? قالت ليا راه راسك ولا لباس وغتخرج غدا .
المهم خرجت من السبيطار و تم تأكدت أن صفاء كتبغيني من قلبها
وحتى أنا دخلت ل قلبي من بعد هادشي لي وقع ون داك النهار قررت أنني نقرى ونجتهد باش نحققو الأحلام ديالنا أنا وصفاء ... دازت عامين

على هادشي والحمد لله تخرجت و دبا راني شاد بلاصتي فالمخزن
كنقري الإعدادي ...وصفاء كذالك هي دخلت للصيدلة ... من بعد عام على توظيفي تزوجت بصفاء و دبا عندنا بنت سميتها أحلام لأننا الحمد لله حققنا أحلامنا ....النهاية