صحافة صفراء : تستكثر فى إعتقل مدير موقع بديل

بالنسبة للناس اللي تايقولو أن المهدوي تايقلب عليها وباغي بيان بطل وباغي يدير البوز وباغي يدير الثورة داكشي علاش دار هاكاك باش يتعتاقل خاصهوم يعرفو ما يلي:
حتى واحد مامشتاق فالحبس
حتى واحد مايبغي يخلي ولادو وعائلتو وخدمتو ويوسخ الضوسي ديالو
حتى واحد ماعارف الحقيقة باش يجي يعطي الأحكام الي بغا وبالطريقة اللي بغا
على الأقل المهدوي قال اللي ماقدروش بزاف ديال الناس المنتسبين لصحافة يقولوه.. رغم الإختلاف معه إلا أنه حقق بزاف د الحوايج ودار بلاصتو بالزز منك
ونتا ونتا ونتي الي كالسين تشمتو فبنادم وتضحكو حيت تعتاقل راه أكيد بيكوم باش هاد البلاد ماعمرها تزيد للقدام... راكوم شعب ضد آلة قمعية وحشية يا اللوحوش .. عوض أنكم تتضامنو فيما بينكم كاسين تاكلو لحم بعضياتكوم كي الكلاب...
بزاف ديال الصحافيين استكثروا على المهدوي عبارة "الزميل"، وبعضهم لم يسمه بالإسم والبعض الآخر لم يعر الأمر أي اهتمام.. صافي نكروه واعتبروه نكرة وكأنه ليس منهم...وهذا نوع من أنواع القنابل المسيلة للدموع..
الكثير غادي يقولو نتا أ شريف حيت خدام معاه داكشي باش تاتقول هاكا... لا أسيدي سواء خدام معاه أو لا .. فهادي هي الهضرة اللي غادي نقول ولو يتقطع راسي واللي معاشرني راه عارفني مزيان اش تانسوى...
باراكا ماتاكلو لحم بعضياتكوم... والحسيمة نحو نصر محقق..

شريف بلمصطفى