معرفت فبن نمشي فيلة تنسيك فوخرة ماعارف تا فين أنا جبدت تيلي نسيت معنديش نمرة دلواليد تا رقم لفيلة وفين جات ماعرفتش وانا نقول لشمس عندك تيلي قالت لي لا خليتو فصاك أهاه كمالت تناكت بگاع زواية هههه مهم شنو معندي مندير بقينا تنقلبو ونقدرو نكونو دزنا من حداها ومشفناهاش مهم تنقلب غا على رونج دلواليد كون غا كنت عارف غا نمرة د لفيلة شيت مهم بقينا تنقلبو تا خرجنا على لفيلات دخلنا لشي دروبة وفجيب دسروال عندي 200 درهم أودي جاني جووع دخلنا لواحد صناك تغدينا وخرجنا تنقلبو تنقول لبنادم عافاك لحي د لفيلات فبن جا مكيوريكش طريق كيوضرك كيقولك دوز منهنا ودور لهيه وشوية يقولك واش هدي عشيرتك خخخخ حاصول راكم فاهمين وتحية لگاع رباطيين ((طاغي شي ربااطي)) مهم تحنسرات بينا دعوة تا ماعرفت كري فين راني وضلام لحال تنخاف غي لي يتعرضو لينا أنا عندي ركابي بس هاد تبيبة كيف غندير ليها حاصول تندورو أنا وياها تا وصلنا لواحد طريوقة طويلة بقينا غادين تا كنشوف بنادم قداامي بزرواطة وكنضور على أساس نهربو وكيخرج واحد خور خارج ب سيف واهيا نااري قلت ليها يالله وعلقي متشوفيش فيا فين ما جابتها هههه بقيت تنشووف بانت ليا فداك مول زرواطة حيت قليل زعمت نعطي لموو أما لا سنطحت مع مول سيف غيقطع لي راسي ولا رجلي ولا شي عضو أما زرواطة معندها ما دير راك فاهم بروبليم د لگريسااج حاصول جيت كنجري ضربت خونا مول زرواطة بركبة نشرتو فﻷرض ((أحح على لصاال))ولخور بقا تاابعنا وشمس مكتعرف تا تجري حتوية مولفة بلفرمااج بفففف رحنا فزبي ليلة ندوزو ف دوزيم ههه ..لا صبر صبر سطافيط هديك وي وي ولله تا هية لعززز ((أول مرة نفرح فاش نشوف لمخزن)) هههه هبطو لعندي شدوني علاش حيت غادين فهاد نصاصة دليل مع بنت فمكان عمومي ومكين تا واحد شكاديرو ..راحنا تودرنا أساف زيد تا لتم ونشوفو توضرتو كيف دايرة طلعونا فسطافيط تا هبطونا فواحد لكوميسارية دخلونا عند لكومسير لكنية ديالو سيطيف برب تا بقيت كنخرى بضحك بقاو تيشوفو فيا وتبتعجبو ههههه سيطيف ههههه وزوينة حاصول گلست وبقا عليا شكنتو كديرو وبلابلابلا راكم عارفين عاودت ليه لبلان بلي تلفنا بس ولد لقحبة متاقش وسولني عندك شي حد من لعاءلة تصوني عليه نشوفو شنو طاري هنا وانا نتفكر بلي عندي نمرة دلخوادرية ناااااري شييت مكلخ مع كري ... يتبع
0 تعليقات
أكتب لتعليق