ضارب الدنيا بركلة حيت حسبتيها حق مكتسب .

 عطيني_عقلك
كاين واحد المرض فينا من أخطر اﻷمراض معندوش ملامح و ماكنحسوش باﻷعراض ديالو "التعود على النعمة"
ملي كتولف نعم الله عليك بحال يلا راها ماشي نعم زعما را حق مكتسب .
تدخل لداركم وتلقا مالين الدار بيخير وفأحسن حال.. تمشي للسوق تشري وتخلص وأن وترجع لدارك بلا متحس بالمنعم وتشكرو حيت هدشي عادي و حقك فالدنيا.
ولفت تاكل بلاما تفكر داك لي بايت جيعان ولا لي معندوش ، ولا داك لي عندو كلشي وما قادرش ياكل.
دخل لدارك بلا ما تحس
بنعمة الله عليك بالستر والمودة وبواليديك حداك وخوتك وكلهم فصحة مزيانة.
صديقي متخليش الحياة تخليك تولف النعم ، خليها هي تولفك تحمد الله وتشكرو
ولا سولوك الناس على راسك متقولش
"ما كاين تا جديد" حيت نتا عايش فواحد النعم لي واخا تحسبها مغتقدرش،واحد النعم زادها ليك ربي فنهارك هذا خصك تحمدو وتشكرو حيت غيرك محروم منها وفهاد النهار نيت .
شحال من واحد صحيح فصيح مرض هاد النهار وشحال من خدام جلس من الخدمة وشحال من واحد لابااااس عليه وفهاد النهار جلس على الزليجة يا جاه السيزي يا طرا ليه شي بلان وشحال من واحد كيشوف ولا عمى وشحال من واحد كيتحرك تشلل وشوف غير شحال من خاجة مكنتيش مسوق ليها ونهار مشات عليك عاد حسيتي بقيمتها .
ونتا ا مسخوط الوالدين ربي كل نهار مجدد ليك هاد النعم وضارب الدنيا بركلة حيت حسبتيها حق مكتسب .
قول قول ا حبيبي الحمد لله على ما أعطى وأبقى
اللهم كما رزقتنا النعم فارزقنا الشكر على النعم ، واجعلنا حامدين شاكرين ، نقدر نعمك علينا .. الحمد الله،
الحمد الله، الحمد الله.