هادشي كامل السبب ديالو الطب فالمغرب الله ياخذ الحق ...

الاسم مصطفى حميميدي ... السن 21 سنة .. 
بغيت نعرفكوم على راسي قبل 7 سنوات كان عمري 14 سنة كنت كانقرا فالاولى اعدادي (القسم السابع) كنت طفل عادي بحال جميع الاطفال حتى لواحد نهار بديت كانحس بواحد الالم فالورك ديال رجلي اليسرى كنت كانظن انه ألم عادي المهيم مشا الالم كيفما كنت كانظن حتى لواحد النهار فقت و بدات رجلي كاتضرني ...
مشيت لعند الطبيب انا والام ديالي دارلي راديو مالقا عندي والو فرحت واخا كان باقي فيا لحريق ... المهيم الالم كان كايجيني مرة في الاسبوع تقريبا صافي ولفت داك الحريق ولا كايجيني عادي حتى لواحد نهار ضرباتني لفيقة فاليل بالحريق لدرجة بقيت كانبكي ماقدرتش نزطم على رجلي ... المهيم مشيت للطبيب فديك نصاصة الليل انا و الام ديالي ضربوليا ابرة باش تهدئ ليا لحريق المهيم دارت المفعول ديالها
من بعد واحد المدة قصيرة الالم بدا كايتزاد ومابقيتش كانقدر نجري او وليت كانعرج مشيت لبزاف ديال الاطباء و الغريب فالامر كلهم قالولي ماعندي والو ... المهييييم مابقيتش كانقدر نير الحصة ديال الرياضة فالمدرسة حيت اذا درت شي مجهود مكاتولي رجلي كاتضرني بزاف من بعد واحد المدة قصيرة تزاد عليا الحال ولات كاتضرني رجلي بزاف وليت كاتغييب جوج مرات فالاسبوع من المدرسة بسبب الالم المهيم نجحت داك العام ودوزت الصيف ...
و فشهر 9 من داك العام ولات رجلي كاضرني بزااااف لدرجة وليت كانبقا مجبد فالفراش ماكانضش كانوض لسبب واحد لقضاء حاجتي ... المهيم جا الدخول المدرسي مشيت نتسجل وكان فيا لحريييق تسجلت وفاش ساليت شدني لحريق فالمدرسة ماقدرتش ندخل لقسم رجعت للدار فطاكسي منذ تلك اللحظة بدأت المعانات الحقيقية ... وليت كانبقا النهار كامل و انا غير متكي فالفراش و من بعد واحد الشوية بدات الركبة ديال رجلي اليمنى ديالي هاد الرجل ماكاتش مريضة بدات كاتنفخ و مابقيتش كانقد نطويها مزيان مشيت للطبيب قال لي عندي الما فركبتي هادشي بسبب قلة الحركة ... المهيم خواليا الركبة من الما بواحد الابرة وحسيت بواحد الالم صعيب و قيت كانغوت و نبكي بالحريق...
المهيم مشت للدار ومن بعد بداو الركابي دالي بجوج كايتنفخو تخلعت بزااااف..
من بعد شهر توفت جدتي ... و جدتي كانت ساكنا فالطابق اللي فوق مني وكانت عزيزة عليا بزاف بغيت نطلع نشوفها ماقديتش نوقف رجليا بجوج تبلوكاو ديك الساعة عرفت بانني ماغاديش نبقا نتمشى على رجليا
جا الاخ الديالي معاه واحد السيد هوما لي هزوني و طلعوني باش نشوفها ... من بعد يوماين مشيت للمستشفى العسكري فسيارة اسعاف فحصوني لقاو عندي الروماتيزم قالولي خاصني نمشي للمستشفى الحسن الثاني في فاس ... مشيت لفاس فسيارة اسعاف شدوني عندهم لمدة شهر دارولي عدة تحاليل و راديونات و و و و...
المهيم قالولي عندي واحد النوع ديال الروماتيزم فالدم كايجي للاطفال هاد المرض نادر فالمغرب و الدواء ديالو باهظ الثمن كايدير مليون و اربعين الف ريال للشهر ... المجموع 14 المليون فالسنة وهاد الدواء مدى الحياة و انا و الاسرة ديالي على قد الحال و الاب ديالي متوفي ماعندنا منين نجيبو لفلوس ...
المهيم عندي ولد خالتي فاوروبا شرا ليا الدواء لمدة ستة اشهر ولكن مابقاش كايقدر يشريه غالي بزاف ... المهيم دازت ايام و شهور تقريبا شي عامين و انا ماكانتمشاش كانقضي حاجتي فالحفاضات ( ليكوش) 
و تعقدت ... مشيت عاوتاني للمستشفى العسكري وشدوني شي شهرين وقالولي خاصني ندير اربعة عمليات جراحية فالركبتين و الوركين قالولي غاديرولي الحديد فيهم وكل رجل ابغو ملايين المهيم دبرات الام ديالي على الفلوس قال ليا الطبيب فاش غادي ندير العمليات غادي يديرولي الترويض من بعد العمليات بمدة قصيرة و قال ليا غادي يدير لي جوج عمليات فنهار واحد و قال ليا هادو اخطر عمليات غادي يدير وهادي اول مرة غادي يدير بحال هاد العمليات
المهيم درتهوم ... ودازت ايام و شهور وماكاين لا ترويض لا تحسن مشينا عند الطبيب وقالت ليه الام ديالي علاش مادرتوليهش الترويض...
قاليها مايمكنش نديروليه الترويض و الروماتيزم باقي فيه... ايوا علاش دايربيا هاد العمليات و الحديد ... المهيم دالزت ايام وشهور و المرض كايتطور ... واحد نهار قال لي ولد خالتي فاوروبا قول للطببب ايعطيك رخصة باش نمشي نتعالج فاوروبا قالتها الام ديالي للطبيب وقاليها مايمكنش نعطيك الرخصة حيت الى عطيطتها ليك يعني حنا ماقادينش نعالجوه هنا ... 
الله ياخذ فيه الحق دازت سنين و للمرض تطور و انتشر في جميع المفاصل ديال الجسم ديالي ... الايدي والاصابع و العنق ديالي تعوجو هادشي كامل السبب ديالو الطب فالمغرب الله ياخذ الحق ... الام ديالي ليكانت مقابلاني توفات في شهر اكتوبر الفائت و انا مازال طريح الفراش لحد الان دابا تقريبا 8 سنين.
 الهاتف 0656420220