قصة حقيقية للاسف هاد النماذج كايطلعوا الكيران و يستغلوا الانسانية ديال الناس و الطيبوبة ديالهم

قصة حقيقية منقـــــــــــــــــــــــــــــــــــــولة
 قصة_حقيقية_وطرات_ليا_شخصيا_بغيت_نشاركها_معكم
تفكرت قصة طرات ليا العام الفايت بغيت نشاركها معاكم المهم بلا مقدمات نقتاحمو الموضوع السنة الماضية وبالضبط عطلة الربيع كنت عند خويا لي خدام فمراكش راهن واحد الدار و مسكن معاه صاحبو مكنتش ساكن معاهم وخا أنا عندي لفاك فنفس المدينة حينت دار بعيدة ب ساعة ديال الطوبيس فديك سيمانة ديال العطلة قرر يمشي لعروبية يرتاح و يتمنظر مع راسو قلت ليه مزيان سير بقيت أنا فدار وحدي داز نهار الاول عادي جاني الملل قلت مع راسي أجي نمشي ل نواحي ديال لمدينة نشوف طبيعة و ندور قررت نمشي صباح وفعلا مشيت و الوجهة كانت منطقة مولاي براهيم داز داكشي معتبر واحد منظر خطير بكل ما تحمل الكلمة من معنى أودي المغرب زوين خاسو غير الصرف معليناش القصة غادي تبدا ملي بغيت نرجع طلعت لواحد صطافيط كتدي ب 15 درهم لمراكش كنت أنا و واحد العائلة مراكشية كانو جايبين واحد السيدة من كزا تشوف المنطقة مريحين كنتسناو شي بلاصة تانية حتى طلع واحد دري عندو بين 16 و 18 سنة طالع و دمعة ف عينيه عمري شفت شي واحد كيبكي قد هاديك الدرجة دموع كتدل على الحكرة و الضلم وجميع وجميع أنواع الحزن حنا مافاهمين والو بقينا كنصبرو فيه باش يسكت قلت ليه أنا شوف أخويا راك راجل علاش كتبكي دنيا دايزة و كاملين غادين الحياة مكتستحقش منك هاد البكا كامل لا جديد نهر من الدموع لا ينقطع حاولو معاه دوك ناس خلها عادل إمام وأنا عيط المهم بعد محاولات عديدة باش نعرفو السبب وراء هذا الحزن بدا يجمع النفس و الواضح أنه غادي يحكي لينا مالو حنا مطرطقين ودنينا الدبانة إلى عطسات نسمعوها بدينا نسمعو منو كلمات متقطعة من الحنجرة المجروحة كلمات مختلطة مع الدموع وقال هادي 15 يوم الواليدة نتاحرت و البارح مات الواليد سولناه علاش نتاحرت قال بلي الواليد تزوج عليها بنت كبر مني بعاماين قلنا ليه و الموافقة ديالها جاوبنا الواليدة مكتعرفش تقرى غير الواليد بصمها عليها بحجة أنها الموافقة على بيع أرض من أراضيها ملي كتشفات اﻷمر شنقات راسها مع واحد الشجرة عشت مع مرت الواليد 15يوم ديال الجحيم كياكلو و يخلو ليا الشياطة مع الكلاب وملي ميكونش الواليد كتبقا تسب فيا مراتو وتشبع فيا تصرفيق ملي نعاود الواليد تردني كداب ويقمعني قدامها حتى وليت كنفكر نخرج من الدار ولكن فكرت بلي دوك الأراضي ديال الواليدة غادي نضيع فيهم بقيت صابر دازت سيمانة الواليد ولا مريض مزاف عمرو مرض تال ديك الدرجة حتى ولا كيرد الدم دازت عليه سيمانة تانية مات أنا بقيت مصدوم من هول اﻷحدات لي طرات لهاذ الدري لي مكملش 16 عام مشاو ليه أعز معندو دوك ناس تاهوما وكيقولو والو من غير إن للله و إن إليه راجعون و بدون مانشعر رجعت قلت ليه كمل وقال لبارح دفناه و جاي راجع لدار حتى لقيت مرات الواليد هي وخوها كيتسناوني و رامين ليا حوايجي فزنقة ملي سولتهم قالو ليا سير قلب فين تعيش مشيت لعند الجدارمية جاو معايا لدار حينت عارفين أنا الوريت ديال الواليد و الواليدة واﻹبن الوحيد ملي سولوها جبدات ليهم ورقة أنا معرفتش ديالاش قراها ردها ليها و جا عندي قال ليا الله يسمح لباك كتب ليها كلشي ومك راه كتبا ليه هوا كلشي و نتا ليك الله أنا صافي دخت دموع بغاو ينزلو وتفكرت الهضرة لي قلت ليه أنا فالاول ملي كنت كنصبرو بلي دنيا متستحقكش لقيت راسي غالط هادشي ماشي يبكيك راه يخليك تفكر فتوديع الحياة بحال الواليدة ديالو ،سولاتو السيدة لي من كازا واش عندو عائلة هنا قال ليها كين عمي مشيت عندو قال ليا بلي هوا غير ساكن مع نسابو و مراتو مغاديش تبغي حينت عندها بنات فدار قال ليا كون فجهدي شي حاجة من خليكش  وخا كنت مخاسم مع باك وجبد شي فلوس دارهم ليا فجيبي ومشيت ماعرفش فين نصد الراس صافي غادي وكنهدر وحدي شكيت فراسي واش تسطيت ديك ليلة نعست فالزنقة و اليوم مابغيتش نبقا هنا حينت كنتفكر غير الواليدة و الواليد سولناه فين غادي تمشي قال لينا معرت فينما مشيت ودموع مبغاوش يتحبسو ليه كل مرة يذكر والديه إلى و الدموع كيفاجئوه بقا فينا كاملين قالت ليه السيدة لي من كازا شوف أنا كنعرف شي ناس الله يعمرها دار نديك تخدم عندهم و تسكن معاهم يتهلاو فيك مزيان هو يبدا يدعي معاها قاتعاتو وقالت ليه ولكن أنا يلاه جيت غادي نرجع نهار السبت يعني 3 يام خاسك دبر فين تنعس و هو يدوي البطل المغوار الدي لا يشق له غبار لي هو أنا ههههه و قلت ليه مرحبا بيك دبا كاين غير أنا وحدي خويا غادي يجي نهار السبت و راك بحال خويا و هو يبدا يشكر فيا و الناس تاهوما مي قلت ليهم راه عادي مادرت والو متعرف المرة الجاية نكون أنا فبلاصتو الله يحفظ ونحتاج لي يساعدني سولوني فين ساكن قلت ليهم فالصحرا و عندي لافاك هنا فمراكش و بداو كيشكرو ف صحراوة و الكرم ديالهم باش معروفين المهم حشمت منهم حينت كثرو فالمدح وخا داكشي كاين الحمد الله صافي تبادلنا نماري ديال التليفون باش نبقاو على تواصل و يطمأنو عليه و يحددو في غادي يتلاقاو نهار السبت وصلنا مراكش غادي نتفارقو معاهو حينت هوما ساكنين ف سيدي يوسف و أنا و أنس غادين المحاميد (لي فمراكش غادي يعرف طبعا هاذ البلايص ) المهم مشينا باش نشدو الطوبيس على حساب خوكم داير البطاقة تسنينا شويا حينت طوبيس بحال الزهر مرة يجيك و مرة توحشو هاهوا جاي رقم 12 ركبنا بغا يخلص هوا مخليتوش هوا يحلف و أنا نحلف صافي طلعنا غادين فالطوبيس كينين جوج ديال الدريات معرفتش كيفاش وقع و لا كيهضر معاهم و كيضحكو !!!!أنا بقيت غير كنشوف أواه واحد ميتة ليه الواليدة ديالو و منتاحرة و الواليد دايلو حتا هوا تبعها يعني ف 15 يوم تقلبات حياتو 180 درجة و كيقدر يهضر ويضحك ولكن يمكن باقي مصدوم داكشي ماشي ساهل أي واحد يقدر يمشي فيها إلى تعرض الهادشي كامل فهاذ المدة الزمنية المهم بقيت كنعطيه أعذار من عندي و أضرب أخماس في أسداس حتى وصلنا فين غادي نزلو شيرت ليه نزلنا قال لي بغيت نشد كارو راه من البارح ماكميت بديت كنصح فيه بلي خاصو يحيد هاد البلية و هو مزال شوية صغير وغادي يهلك غير صحتو جاوبني بلي غير المشاكل لي خلاوه يتبلة صافي مشينا شرا الكارو وشرط عليه ميكميهش فدار على حساب الريحة و أنا مابغيتش خويا يعرف هادشي وافق وقلت ليه نمشي دبا نتقداو شنو ناكلو و باش غادي نتعشاو تقضينا البيض و شي لعيبات طلعنا لدار و وصيتو قلت ليه شوف هاذي بحال داركم را الدوش إلى بغيتي دوش را الكوزينة البيت لي عجبك نعس فيه ديرني أنا مكاينش بقا كايشكر فيا و يواعدني بلي يرد ليا هاد الخير جاوبتو بلي راه هانية راك بحال خويا دبا ومشيت لكوزينا وجدت مناكلو هوا خليتو فالصالون شاد تلفون ديالو كيخرق فيه ساليت قصينا الحمد الله عطيتو يتفرج فالتلفازة فاش ما بغا و شديت أنا البيسي طليت على الفايس بقيت الجسد كاين و عقلي ميافر فهاد اﻷحداث و هاذ خونا لي طاري ليه هادشي كامل دازت شي نص ساعة هو يطلبني ندير ليه واحد اﻷغنية ديال الميمة قلبت لقيتها تلقتها ليه بدا كيبكي و أنا نصبر فيه أودي الله يهديك نسى إلى بغيتي تعيش جاوبني بلي هيا لي كانت هازة الحمل عليه و هيا لي كتديها فيه أما باه عمرو شرا ليه تا صندالة قلت ميمكنش أصاحبي أواه بزاف قالي جدي كان برلماني و عندو الفيرمات وعمرو تفكرني فحياتو ...هنا قلت ليه شنو سميتو قال ليا واحد السمية نسيتو فالموضوع و قلبت ف كوكل ماطلع لي والو هنا زاد كيدخلني شك لي بدا فيا من الطوبيس باش نقلب الموضوع و يسكت تا هوا شوية قلت ليه ليه يلاه نمشيو ل سيبير نجيبو شي أفلام هاد الكونيكسون تقيلة شوية فرح و قال لي يلاه مشينا دخلنا ريحت هو يطلبني بغا فيلم ديال ولاد البهجة كيعجبو درت ليه خاطرو تيليشارجيتو ليه هو وشي أفلام شوية مشا عند الدرية لي مقابلة السيبير بدا كيضحك معاها أنا بقيت غير كنشوف فهاد المخلوق لي كيدخل مع العضام ديال أي واحد كيفما كان ، أنا صافي ساليت مشينا و حنا راجعين لدار سولتو مالك مع هاديك قال بلي راه كيعرفها و كتبغيه و بدا كيوريني شي ميساجات مكتوبين بالعربية واش كيصحاب ليه لي أنا مكلخ وحدة مقابلة سيبير متعرفش تكتب ميساج !! أنا صافي مبقيتش حاملو يهضر حينت ملي كيهضر كيكذب غير وحدو بلاما يسولو شي واحد ، طلعنا لدار وجدت العشا قصينا بدينا كنتفرجو فالفيلم هو يصوني ليا تيليفون نمرة معرفتهاش جاوبت ألو سلام عليكم سلام ولدي لباس عليك أنا السيدة لي كنت معاك ف مولاي براهيم لي غادا تدي أناس ، أه كيدايرة خالتي لباس عليك ، الحمد الله أولدي كيف داير أناس ؟ أنا معرفتش واش نقول ليها بلي راه هوا 90% غير كيكذب ولكن كان حداية جاوبتها لباس عليه راه يلاه تعشينا ، أه بصحتكم عفاك إلى ما تهلا فيه ولي خصاتو عطيها ليها قلت ليها راه بلاما توصيني هاهوا ندوزو ليك هضر معاها واحد البرائة كيهضر بيها كتخليك الدوب فيه سمعتو كيشكر فيا بلي أنا مهلي فيه قالت ليه إوا مديرش ليه الصداع راه دار فيك خير كبير المهم سالات الهضرة معاه تفرجنا فالفيلم بدا كيجيه نعاس قلت ليه نخليك تنعس سديت الباب بساروت و هزيت البيسي و مشيت لبيتي باش مايشكش بلي أنا متايقش فيه فسرت ليه بلي الكونيكسيون كاينة ف بيتي مزيانة و كنبقا سهران المهم مشيت سديت عليا البيت بقيت خدام فالبيسي وكنفكر دبا أنا مدخل معايا واحد عاود ليا قصة معرفت واش بصح ولا غير طالقها علينا يمكن يكون مسطي ولا شي حاجة المهم حسيت بلي تسرعت بزاف و بالخصوص أنا وحدي فالدار بقيت كنخمم منعست تال ديك 02:30 مشعرت حتى سمعت دقان و سميتي سعيد سعيد فقت مخربق فتحت ليه قال ليا نوض أصاحبي العشرة هاذي كنقول فخاطري دبا شكون لي ضيف عند تاني سيد سريع اﻹنسجام و اﻹندماج واقيلة سريع دوبان هههه المهم غسلت وجدت الفطور فطرنا سيد ضاحك ناشط مع راسو أنا صافي مبقيتش قاذر نخليه فدار و معايا بوحدي طاحت عليا فكرة زوينة حتى فطرنا قلت ليه راه خويا غادي يجي غدا وراك عارف بلي مفراسوش نتا هنا ، غادي نديك عند شي دراري الله يعمرها دار مايخسك معاهم خير قال صافي أنا نيت مابغيتش نجبد ليك صداع ودرتي فيا خير كبير عمرني ننساه طول حياتي حتى عائلتي مداروه معاية جاوبتو راه هانية مدرت والو صافي جمعت الدار وقلت ليه بلاتي نعيط عليهم بعدا ونشوف واش يقبلو صونيت على دري سميتو أسامة شرحت ليه أشنو كاين و عاودت ليه داكشي لي عاود ليا و القصة من اللول مكملتش ليه قلت ليه تا نجي و نشرح ليك مزيان قال ليا هانية ملي من طرف ديالك نتا مرحبا بيه الدار دارو ساليت المكالمة قلت ليه راه كاينين فدار غادي نمشو دابا قال لي صافي يلاه غادين ل البلاكة ديال طوبيس وهو يقول ليا خاصنا ندوزو الكيليز نشوف واحد البنت و نجيب شي حوايج من عند واحد السيدة راه جمعاتهم ليا ملي لاحتهم مرات الواليد فالزنقة قلت ليه ماشي موشكيل يلاه صافي مشينا ... مشينا فطوبيس وصلنا لكيلز مشينا حدا جردة لي تماك كنتسناوها و هوا كيصوني عليها ألو ماديحة فينك راه كنتسناك ، ريحنا شوبة هاهية مديحة جاية درية عندها 20 سنة طالقة الشعر لابسة جاكيط كوير سروال دجين و بوط فرجلين ناري شحال حضاي أنا هههه سلمات علينا دخلنا لجردة ومن الصدف أنا دابا نيت مريح فيها وكنكتب هادشي المهم دخلنا مابغيتش نريح معاهم داكشي لي غادي يهضرو عليه مكيهمنيش و بغيت نخليهم على راحتهم مشيت لكرسي ثاني شديت قهوة من عند صحاب قهوة معطرة كيدورو تماك بمجمرهم خديت ليا كاس و صيفط ليهم تاهما درت لي كيت و ريحت مع راسي شوية كندور لجيهة لي مريحين فيها كنلقاهم عايشين مامسوقينش ل علام خليتهم شوية شيرت ليه باش نمشيو جمع الوقفة خرجنا من الجردة مشات هيا حينت خدامة فالصالون ديال خالتها وهيا ماشي من تما دارهم فاليوسوفية مدينة صغيرة بعيدة عل مراكش ب 80 كلم (عارفكم كاتقولو و حنا مالنا كمل إلى بغيتي تكمل أوك سمحوليا هههه ) مشات مديحة قلت ليه فين كتعرف هادي قال ليا كنت واحد نهار هنا فكيليز عندي غراض ودايز من لهيه و بدا كينعت ليا بصبعو لواحد البلاصة قلت ليه أه كمل وكانت دايزة هيا بالكات كات (4*4) ديال خالتها و عندها الشيفور ديالها وبقيت كنشوف فيها و حتى هيا بقات كنتشوف فيا ضحكت ومشات صافي دازت يوماين وكنت دايز من ديك لبلاصة بضبط و لقيتها تاني شفت فيها وهيا تشير عليا متيقتش واش كتشير ليا و لا لشي واحد تانيولا لشي واحدت تاني قلت ليها واش أنا قالت ليا أه أجي ومشيت عندها فتح ليا شيفور الباب طلعت حداها قالت ليه سير بينا خاليد ندورو شوية وهيا درور عندي سلام صافا لباس عليك جاوبتها الحمد الله ربي يخليك ونتي جاوباتني تاهية الحمد الله و تبعاتها أشنو سميتك قلت ليها أنس قالت واش عرفتيني جوبتها لا قالت ليا أنا شفتك ديك نهار وشفتي فيا مشيت لدار صورتك مبغاتش تحيد من بالي بليل بغيت نعس وكنفكر فيك واخا مكنعرفكش بحال إلى كنعرفك شحال هاذي معرفتش أشنو درتي ليا ونهار ثاني كندعي غير نعاود نلقاك درت صباح كامل باش نشوفك ورجعت لدار مقلقة ودبا الحمد الله لي لقاني بيك تاني و أنا نشوف فيه وقلت مع راسي واش أنا غادي مع براد بيت و لا شاروخان وأنا مافراسيش المهم قلت ليه كمل أشنو طرا قال لي صافي درنا شوية تبادلنا نوامر وتماك تعرفت عليها جاوبتو مزيان ودبا فين غادي نلقاو السيدة لي عندها حوايجك قال ليا راها خدامة فصيدلية مشينا فين خدامة لقيناها مزال مسدودة تسنينا شي نص ساعة هاهية جاية فتحات دخلات مشينا عندها دايرة بحال شي ملاك أودي ناس ديال الميدسين ديما رطيطبين ، كانت لابسة بلوزة بيضة هي لي شفت كون شفت شي حاجة تانية نقولها ليكم والله منخبي عليكم هههه ، المهم جيت بغيت ندخل معاه قال ليا غير تسناني بيناتنا شي هضرة قلت ليه صافي سير تسنيت شي عشرة الدقايق هاهوا خارجهاهوا خارج هاز ميكة مشينا غادين جيهت الطوبيس سولتو كيفاش هاذي ساكنة حداكم قال لي راه كانت خدامة حدانا ودبا تحولت هنا وراه كتبغيني و أنا مابغيتش حينت كبيرة عليا صافي هنا تأكدت بلي غادي مع براد بيت سيد كثر عليا عندو دوبل روشارج فالكذوب أواه كلشي ندوزو ليك إلى هاذي راه بزاف المهم أنا مابقيتش كنحكر عليه فاﻷسئلة حينت غادي غير يزيد فالكذوب صافي مشينا نشدو طوبيس باش نمشيو لعند دراري لي حدى لافاك كارين دار تماك كنت كنمشي عندهم مرة مرة عشران الله يعمرها دار الخير و الكرم وهادشي لي معروف علينا ولاد صحراء ماشي كلشي ولكن اﻷغلبية ولاد الخير صافي وصلنا صونيت على أسامة قال ليا هاني مع دري حدى مرجان جاوبتو هاني جاي عندك باش نفهمك القصة كيفاش قلت ل أنس تسناني هنا نجيب دري و نجيك المهم مشيت لقيت أسامة سلمت عليه قل لي ياك لباس كيفاش القصة عاودت ليه داكشي لي عاود ليا هوا مابغيتش نقول ليه راه شاك فيه غير كيكذب باش يريح عندهم ودوز الأمور مزيان ونهار السبت يمشي مع السيدة ربما يدير عقلو يمكن ضروف لي خلاتو يكذب صافي وصلنا سلم عليه ورحب بيه دخل عند دراري لدار حينت هوما كارين دار سلم عليهم بكل برائة سولوه مالك أشنو طاري ليك بدا كيعاود ليهم القصة ديالو حرف ب حرف مخطاش فشي حاجة أي واحد فيكم غادي يقول حنى نية ولكن كون على يقين ملي يوقف عليك ويعاود ليك بديك البرائة ديالو و يصدمك بالواقع لي عاشو غادي تقبل دير معاه أي حاجة كيفما كانت وخى تكون ماشي فاﻹستطاعة ديالك المهم دراري مبقاوش عارفين أشنو يقولو تصدمو فداكشي لي عاود ليهم أنا بغيت نمشي سلمت عليهم و قلت ليهم تهلاو فيه وخا هكاك قلبي حنين هههه مشيت رجعت لدار و بالي هاني حينت غادي نعس مرتاح الله على راحة الله دوزت داك نهار بخير حتى العشي عيطات ليا السيدة لي غادي تديه لكازا وتماك قررت نعاود ليها على شنو لي بان ليا قلت ليها فينك بغيت نهضر معاك قالت ليا أنا ف فسيدي يوسف بن علي واحد بلاصة كاينة ف مراكش جوبتها عشية نجي عندك وصلات لعشية شديت طاكسي مشيت عندها الخلاصة قلت ليها داك الدري مامنوش غير طالقها علينا مافيهاش شك مصدقاتش 100% قلت ليها صبري عليا غدا غادي يبان كلشي فوق طابلة قالت ليا شنو غادي دير جاوبتها كنوجد بلان مزيان ليه باش نطرقو هاذ المسمار قالت ليا صاقي شوف لي يسلكك رجعت لدار داز داك نهار فصباح فقت عادي فطرت كنجمع فدار حتى صونا تيليفون كنشوف شكون كيصوني كنلقى أسامة قلت فخاطري غا الله يحفظ طرات شي حاجة مع داك خونا أي واحد فيكم غادي يقول حنى نية ولكن كون على يقين ملي يوقف عليك ويعاود ليك بديك البرائة ديالو و يصدمك بالواقع لي عاشو غادي تقبل دير معاه أي حاجة كيفما كانت وخى تكون ماشي فاﻹستطاعة ديالك المهم دراري مبقاوش عارفين أشنو يقولو تصدمو فداكشي لي عاود ليهم أنا بغيت نمشي سلمت عليهم و قلت ليهم تهلاو فيه وخا هكاك قلبي حنين هههه مشيت رجعت لدار و بالي هاني حينت غادي نعس مرتاح الله على راحة الله دوزت داك نهار بخير حتى العشي عيطات ليا السيدة لي غادي تديه لكازا وتماك قررت نعاود ليها على شنو لي بان ليا قلت ليها فينك بغيت نهضر معاك قالت ليا أنا ف فسيدي يوسف بن علي واحد بلاصة كاينة ف مراكش جوبتها عشية نجي عندك وصلات لعشية شديت طاكسي مشيت عندها الخلاصة قلت ليها داك الدري مامنوش غير طالقها علينا مافيهاش شك مصدقاتش 100% قلت ليها صبري عليا غدا غادي يبان كلشي فوق طابلة قالت ليا شنو غادي دير جاوبتها كنوجد بلان مزيان ليه باش نطرقو هاذ المسمار قالت ليا صاقي شوف لي يسلكك رجعت لدار داز داك نهار فصباح فقت عادي فطرت كنجمع فدار حتى صونا تيليفون كنشوف شكون كيصوني كنلقى أسامة قلت فخاطري غا الله يحفظ طرات شي حاجة مع داك خون  غير الله يحفظ وصافي جاوبت ألو خاي أسامة لباس عليك رد أنا لباس الحمد الله ولكن داك دري ماشي لباس قلت ليه مالو جاوبني جي دابا ونعاود ليك صافي هاني جاي غادي فطوبس وكنفكر أشمن موصيية جديدة عوتاني دار هاذ المسخوط المهم وصلت عندهم دخلت قلت ليهم مالكم ياك لباس قالو ليا هذاك دري ماشي نورمال واحد ميتين ليه والديه ف 15 يوم و لبارح كيعاود لينا نكت أو بزاف تصور ملي عاود لينا القصة ديالو دراري بقا فيهم واحد مشا شرا ليه ساك فين يدير حوايجو الثاني مشا شرا ليه كيطما و دري تاني معندوش الفلوس مشا هضر مع باه يسيفطو ليه باش يعطيها ليه هوا و المشكل هو أننا مشينا ديناه عند الحلاق بقا هو و دري كيتسناو يسالي باش يحسن ليه شوي بقا كيعاود ليهم القصة ديالو صدق محسن فابور و عاطيه واحد السيد 70درهم أنابقيت غير مصدوم الدري عندو 16 سنة و كيدير هاذشي كامل منين جاب هاذ الفعايل كاملة قال لي أسامة هاذشي كامل ندوزو ولكن باش يجي غير نهار و يعرف سمية ديال درية أنا كندور عليها 3 شهر و معرفتهاش راه بزاف جاوبتو بالضحك وقلت ليه كيفاش هاد القصة عواتاني قال ليقال لي والو غير خرج مشا القهوة فين كنريحو ديما و وفالعشية جا و جاب لينا السمية ديالها و فين كتسكن و شحال فالعمر ديالها بقينا غير كنشوفو قلنا ليه منين كتعرفها وقال لينا راه كنعرفها شي 4 سنين و كانت كتبغيني راه من دوار ديالنا أواه فتيحة من عندكم ( فتيحة سمية ديال الدرية لي فالقهوة ) أه من عندنا خليناه فدار ومشينا القهوة و سولناها سلام سلام لباس عليك المهم بغينا نسولوك واش كتعرفي أنس هيا شكون أنس !؟ قلت ليها أنس دري لي مو نتاحرات و باه مات قالت أه مسكيين بقا فيا عاود ليا القصة ديالو و بكيت و جبدت 100 درهم عطيتها ليه وحنى نضحكو قالت علاش كضحكو قلنا ليها نتي لي مسكينة و مجايبة لدنيا خبار هداك غير كيكذب سيدة بقات مبلوكية كيفاش كيكذب قلت ليها ماشي غير نتي لي ضحية ديال هاذ الدري راه منك عداد وحنى منهم جاوبتنا شوفو ملي تلاقاو بيه قولو ليه والله العظيم و باقي يجي لهنا حتر نهرس ليه رجليه و إلما درتها منتسماش فتيحة ، المهم خرجنا من عندها رجعت لدار مع دراري وهيا طيح عليا فكرة تاني و أنا عارف أفكار ديالي غا الله يحفظ إما كاريثة ولا مصيبة المهم قلت ليهمعلاش مانمشوش عند مولات الصيدلية راه ملي مشيت أنا وياه عندها قال لي تسناني و مبغاش يخليني ندخل معاه عندها إوا دراري وافقو ومشا معاية أسامة و عتمان فلول تلفنا على الصيدلية ولكن لقينها فلخر وعاود لقينها مسدودة تسنينا شوية هاهي جات سيدة دخلنا عليها حنا بحال شي بوليس سلام سلام أنا لي هضرت قلت ليها واش عقلتي عليا الجواب ديالها كان نفي وضحت ليها بلي أنا لي جيت ديك نهار مع أنس فاش كان باغي ياخد حوايجو من عندك عاد عقلت عليا وقالت واش كتجيه ضحكتني ورديت عليها بالله يحفظني وعاودت لبها القصة من اللول عاد قالت ليا راه ملي جيتي معاه بغيت تشير ليك تدخل ولكن مترفتش كيفاش غير باش نشوف العلاقة ديالك معاه و سولتها نتي أشمن علاقة ليك بيه قالت الطبيب لي خدامة معاه عندو صيدلية ف مولاي براهيم و لقاه تماك و عاود ليه القصة ديالو و جابو دار معاه خير ميحلمش بيه شد ليه أوطيل و الماكلة كتجي تال العندو وكيعطيه باش يدور وقلب ليه على خدمة ولكن هو مسخوط قلت ليها علاش ...!؟علاش مسخوط قالت ليا ولا كيجبد ليه الصداع مع صحابو و قال ليهم بلي هو ولد عمو ومراديش بيه ومخبيه عليكم غا قول ليا دبا هادا ماشي مسخوط وزايدها جبد ليا الصداع مع خطيبي قال ليه بلي أنا مبقيتش بغيتو و بغيت نتزوج ب أناس حتى كنا تصادعنا و جبد ليا تاني صداع مع الطبيب كان بغا يخرج ليا على خدمتي ودير لخير فبحال هادو و سولتنا فين هو قلنا ليها راه خليتو كيدور حدى لفاك ، طلباتني منديرو ليه والو حينت غتصدق واصلة لبوليس و تمشي ليا خدمتي هكاك جاوبتها مغادي يكون والو إن شاء الله غا تهناي خرجنا رجعنا لدار و تماك جاتني تاني فكرة أنا بعدا هاذ الفكار شتهم غير طايحين عليا المهم قلت لدراري أنا عندي لكارط ديالو كان خلاهة عندي و بقات وفيها فين كيسكن نمشي نشوف فين دارهم و نتأكدو 100% باش وخا هكاك منضلموش الدري ماعرفنا أشنو كاين وافقو الدراري ضافي خرجت هاديك الساعة وليت المفتش كرومبو ههههه مشيت سولت منين نركب لبلاصة سميتها الوداية قلبت تا لقيتها بزز تسنيت الطوبيس ديالها تا جا مشيت فيه وكنسول دوك لي راكبين معاية على سمية دوار لي ساكن فيه اﻷغلبة معرفوش وشي تاني قال بلي باقي القدام توكلت على الله و وهبط فين نعتو ليا الناس نزلت فواحد دوار و العصر كيودن وناس تماك غير كيشوفو فيا هههه تقول نزلت من الفضاء مشيت قصدت واحد السيد باش نسولو وصدمني قال ليا راه ماشي هذا هو الدوار راه باقي القدام مزال بلوكاني ملي قالها الله ياربي واش أنا يهودي نزل فهاذ القرينة الكحلة و شانطي خاوي وشمس قاصحة و واحد سيدة مسكينة باغا تمشي ل مراكش باش تولد بقات فيا تاهيا تا واحد مابغا يوقف تسنيت شي نص ساعة ها خطاف دايز شيرت يخطفني من هاذ القرينة ركبت سولتو على الححوار قال مزال القدام غادي نوسلك وتشد ليه طاكسي قلت ليهخا نكون غادي لفرانسا منوحل قد هادشي كامل المهم وصلت تسنيت تاني شي طاكسي يدوز شوية بان ركبت فيه وصلني لبلاصة وقال بلي غا تزيد واحد 3 كلم تلقا دوار ديك ساعة فاش قالها جاتني البكية هههه أو بزاف عليمن صبحت هاد نهار باش يطرا هادشي كامل وتفكرت بلي مصبحت على تا واحد صبحت غير على راسي فالمراية حينت كنت غا وحدي هههه إدن أنا لي منحوس توكلت على الله و زدت مع طريق وخا شمس قلت دبا جيت جيت وخا تكون 30 كلم غادي نمشي جاب ليا الله واحد مول المطور شيرت ليه داني معاه تا قربني فين كاين الدوار زدت شوية لقيت شي ناس مجموعين على براد أتاي و البطبوط شهاوني ماسمحت ليهم سولتهم على دار أنس .... ( بلا منقول الكنية ) نعتو ليا واحد البلاصة و جا معاية جوج منهم فالخر كتشفت بلي واحد منهم خالو ولكن مبغاش يقول خاف يكون داير شي زبلة حينت هو أصلا مكيحملوش المهم وصلوني ل دار وتماك كانت المفاجئةعيط داك لي كان معاية على سمية بات أنس محمد وا محمد تكلم لواحد سيد بغا يشوفك أنا ملي كيعيط تصدمت سيد عندو باه و قاتلو وكاين لي معندوش بمرة بغا غير يشوفهم وملقاهمش حرام عليه والله ، خرج راجل سولتو نتا محمد ( الكنية ) جوبني أه علاش ياك لباس قلت ليه والو بلا متخاف غير الخير إن شاء الله ريحنا حدى الدار عاودت ليه القصة من اﻷول بالتفاصيل الدقيقة ديالها مابغيت ننسا تا حاجة حينت راه الباه وخاصو يعرف كلشي على ولدو سيد ملي عاودت ليه داكشي بغا يبكي من لي عاودت ليه وقال ليا بلي هو فخبارو مشا ل أكادير يخدم و شي 15 يوم عيط لينا من تماك وبلي راه خدام ولباس عليه مخاصو تا خير ، ملي ساليت ليه القصة عيط على مراتو الواليدة د أنس وتايقول ليها أجي راك وليتي مرحومة أجي تسمعي ولدك راه قتلنا بجوج و زوجني بلا خباري ونتي راك منتاحرة دابا الله يرحمك بقينا مجمعين بغيت نمشي بحالي مخلانيش عم أنس قال لي والو دير معانا أتاي بعدا حشومة تمشي هكاك ونتا جاي ضارب هاد الطريق كاملة ريحت معاهم كلينا وشربا الحمد الله وملي بغيت نمشي وصلني بات أنس ل شانطي بالمطور و قال لي فطريق واحد الجملة عمرها تنسا لياقالي إلى غادي غير تجبد الصداع لوالديك غير سير بعد منهم و هنيهم حسن ليك و ليهم ، بقا فيا مسكين حينت مرداش يسمع داكشي على ولدو قدام خوه و صاحبو ولكن وخا هكاك عندو روح نكتة حينت شوية قال ليا شكون بحالك قلت ليه علاش جاوبني موصلك المرحوم فوق الموطور بشحمه و لحمه هههه صافي وصلني ركبت ورجعت لمراكش مشيت عند الدراري لدار وعارفهم مغاديش يتيقو داكشي لي عرفت سولتهم عليه بعدا قالو ليا ديناه عند حسام فالحي الجامعي حسام دري من الصحرى تاهوا ومن مدينتي غير المشكل أنا عارف حسام كيف داير إلى عرفو تايكذب غادي يلوحو من الطاج الرابع لي ساكن فيه و الله تايديرها و يدير كثر منها قلت ليهم إمتا ديتوه تماك غادي غير يدير معاه حسام شي حاجة و نصدقو فالمشاكل جابوني أيدبر راسو هضر أشنو درتي نتا و عاودت ليهم داكشي كامل لي عرفت ولاو كيقولو ناري ونشدوه أشنو غادي نديرو ليه بردتهم شوية وقلت ليهم مخلا والو هنا قالو ليا راه خلا بزطام فيه كارت سيم ديالو حينت تيلفون ديالو باعو شديتنا و أنا نجربها فتيليفون ديالي غير شعلتو بداو كيجوني لميسجات لقيت نمرة شداها العلبة الصوتية 15 مرة و وحدة تانية شداها 17 مرت وليت كنهضر مع راسي أو كيفاش واحد نصوني عليه أنا 17 مرة غير من لبارح اليوم بزاف ضرني راسي وقلت أجي نعيط نشوف شكون مالين هاذ النماري دوزت النمرة الاولة هوا كيصوني ماطولش سمعت ألو صوت بنت جاوبتها ألو قالت ليا أنس جاوبتها لا شكون نتي باش يجي نقولها ليه قالت ليا أنا مديحة آآه نتي مديحة معرفتينيش ، لا شكون ، أنا سعيد لي جيت مع أنس لجردة ، أه ولد عم أنس ، أشنو كيفاش ولد عم أنس عوتاني ، راه أنس قال ليا نتا ولد عمو ، ياك هوا قالها ليك ، آاه ، مزيان نيت جيتي فوقتك بغيت نسولك فين عرفتي أنس ، أنس عرفتو واحد نهار ملي أشنو كاين وكيفاش القضية وسولتها نتي منين كتعرفيه قالت ليا أنا كنت مريحا فجردة كنتسنا خالتي باش نمشيو نركبو لدار ، علاه نتوما فين ساكنين ، حنا ساكنين ف سويهلة ( سويهلة بلاصة صغيرة فنواحي ديال مراكش شتي لي كايقرا هاذشي وماشي من مراكش صافي راه كنضورو أنا فيه وهوا مريح هههه ) اااه عرفتها إوا كيفاش عرفتيه ، عرفتو داك نهار جا ريح حداية و كيبكي سولتو مالك قال ليا بلي تفكر والديه و قلت ليه سير عندهم و لا بعاد !؟ قال ليا مكرهتش راه ماتو مساكن بجوج ف كسيدة ومعاهم خويا الصغير و بقا فيا حينت خلاوه وحدو وخا عندهم الديور و اﻷراضي ، لا حول ولا قوة إلا بالله سيد كيقتل دارهم 20 مرة فالنهار وأنا نقول ليها أختي راه مكاين والو من داكشي وعاودت ليها داكشي لي قلت ليها فاللول حينت بحال إلى نساتو تاهيا تصدمات فيه و بقا فيها الحال المهم ساليت المكالمة وتفكرت بلي أنس مزال مع حسام ونا نمشي غادي وكنقول يمكن نلقاه حي يمكن نلقاه مهرس هادشي إلى دار معاه المزيان حينت سكنت معاه فالحي وعارفو مسخوط صلت الحي طلعت كنجري لشونبر كلقيت تا واحد وكي لعادة ديما الباب المحلول يعني جي وقت ما جيتي غادي تلقاه محلول حينت مكاينش لي يقرب ليه عاودت نزلت مشيت سولت حدا القهوة أخيرا لقيتو مشيت عندو قلت ليه فين هوا البرهوش جاوبني إنا برهوش قلت ليه لي جابوه دراري عندك ، اااااه راه هرب ، أشنو درتي ليه باش هرب ، درنا ليه كرسي اﻹعتراف بطريقة ديالي وكيضحك ، ناري دري مشا فيها دار فيه شي مصويبة قال ليا أجي نشرح ليك أشنو درت معاه  أشدرتي معاه قال ليا شديتو و قلت ليها ريح فوق الكرسي و هو يريح وكان معاية صاحبي هو قدامو و أنا ورا الكرسي ملي كيسولو صاحبي والديك فينهما وكيجاوبو ماتو أن كنزل عليه من اللور بتصرفيقة ، كيفاش هههننه مسخوط صافي هدا هوا كرسي اﻹعتراف فقبيلتك قال ليا هذا غير تسخينات شي 10 دقايق ديال تصرفيق ودبا فين هوا قال لي هرب ليا ملي مشيت لشونبر تاني نجيب شي حاجة لقيتو علق تبعتو لقيتو هرب ، ضحكني مسخوط عارف بلي غادي يدير ليه شيحاجة الحمد الله جات غير فتصرفيق بعدا رجعت عند الدراري فطريق كيبان ليا من بعيد مشيت عندو شديتو قلت ليه فين مشيتي قال ليا تعداو عليا صحابك و أنا نجبد معاه بتصرفيقة تا أنا وقلت ليه تا أنا دبا تعديت عليك دبا ياك يالله سير ونحلف ليك بالله نهار لي يلقاوك الدراري هنا يا إما تمشي لسبيطار إما لمقبارة سير تكمش فداركم و سيدة لي بغات تديك لكازا راه مشات يالله تلاح . " النهاية