كتاب "النيكروميكون" أشهر كتب السحر والغيبيات هو اقتباس من كتاب "العزيف" لي كتبو شاعر يمني "عبد الله الحظرد"

 

 

 

 

 

 

 

 

 

 

 

 كتاب_العزيف_أو_كتاب_النيكرنوميكون
نتافقوا أولا كالعادة أن ما يأتي في هذه السلسلة لا يمثل رأيي الشخصي ويبقى تصديقك أو تكذيبك لها حسب طريقة تفكيرك ..
كتاب "النيكروميكون" لي هو أشهر كتب السحر والغيبيات هو اقتباس من كتاب "العزيف" لي كتبو شاعر يمني عام 735 بعد الميلاد سميتو "عبد الله الحظرد" وهذا الإسم لي معروف بيه أما الإسم الحقيقي فهو "عبد العزى الراهب بن عاد" .. هاد الشاعر اليمني عاش فزمن "الأمويين" وزار أغلب مناطق العالم المعروفة آنذاك وادعى أنه يعرف مدينة "إرم ذات العماد" .. ودوز شهور ف"صحراء الربع الخالي" ف"السعودية".. وكان كيعرف للكثير من اللغات القديمة المندثرة وكيتقال أن الكتاب ديالو "العزيف" هو نموذج لفكر العراف الشهير "نوستراموداس".. ولكن "نوستراموداس" استعمل أساليب سحرية لتقصي الغد أما "الحظرد" استعمل وسائل سحرية لتقصي الماضي ..
وهاد الوسائل كتقوم على أكل لحم الميت بأساليب معينة ... وكيقولو مات على يد وحش أسطوري شبيه بالوحوش لي رسمها فكتابو ..
كان "الحظرد" مشرك كيعبد آلهة وثنية ك"تولو" أو "يوج سوقوت" ..
والغريب أنه ماكاينة حتى نسخة عربية لهاد الكتاب والنسخة العربية الوحيدة لي كاينة ترجمها "تيودور فيليتاس" لليونانية وبعدها اختافات ... يقولون أنها سقطت في يد يهود الخزرج وبداو كيورثوها أصحاب العلم عندهم غير بيناتهم ... و " تيودور فيليتاس" هو لي عطى للكتاب لي ترجم إسم "النيكرنوميكون" ومعناه "كتاب الموتى" ..
الكتاب كيتكون من سبعة أجزاء وعدد صفحاتو 900 .. فالعام 1232 صدر البابا "جريجوري التاسع" أمر بإحراق ومنع هاد الكتاب لأنه من أخطر كتب السحر.. وفالعام 1457 صدرات ترجمة لاتينية للكتاب بواسطة الراهب الدومنيكاني "أولاوس فيرمياس" لي سمع على الكتاب وبحث عليه منين كان خدام فمحاكم التفتيش لي قتلات مسلمي الأندلس وعذباتهم(وبخصوص ذكرنا مسلمي الأندلس ... أكثر من 80 فالمائة من المسلمين فالأندلس كانوا إسبان من أهل البلاد و 20 فالمائة أمازيغ وعرب ويهود ولي جرا على المسلمين وعذبهم وقتلهم هما مرتزقة تجمعوا من مختلف بلدان أوروبا وهذا عكس الهضرة الخاوية ديال الإسبان رجعو بلادهم ... العكس هادوك المرتزقة جراو على السكان الأصليين واستوطنوا الأندلس بخيراته ) نرجعوا لموضوعنا .. من بعد حصلوا هاذ الراهب الدومينيكاني وحرقوه هو والكتاب لي ترجم ... بعد 100 عام بانت نسخة أخرى ف"براغ" عند الحاخام الأسود وساحر "الكابالا" وخبير النيكرومانسي "يعقوب إليتزر" ...
ترجمات بعض الأجزاء للعبرية عام 1664 وتسمات "سيفر عاشاري حاداث" ومعناها كتاب بوابات المعرفة .. وغيبان من بعد واحد اليهودي "ناتان غزة" وكان قرى "التوراة" و "التلمود" و "الكابالا" .. وبدا كيقول للناس أن واحد من معارفو هو المسيح العائد لي جا باش يخلص ليهود من الظلم ... وطاح فيدو كتاب "النيكرنوميكون" ولي لقى فيه أشياء قريبة لداك الشي لي قراه ف"الكابالا" اليهودية ..
كتاب "النيكرنوميكون" كتاب كيحكي على الكيانات القديمة أكثر ما هو موسوعة للسحر كما يظن البعض وهاد الشي لي كيخلي الكتاب مرعب .. الكتاب كيقول أن الإنس ماشي ملوك العالم ولكن كاين عالم موازي ومعادي فيه قوى عاتية مانبانوش قدامهم وأن لي مخلينا على قيد الحياة أننا أتفه من التفاهة بالنسبة لهم ... من بعد ظهر واحد الساحر مشهور سميتو "دي" كيقول أنه تاصل بهاد الكائنات عن طريق كتاب "إينوخ" وسمى هاد الكائنات "ملائكة إينوخ" وقال أن عندها لغة غريبة كتتحدث بيها ... ونقزو دابا حتى للقرن العشرين عند واحد الساحر معروف ومشهور هو "أليستر كراولي" لي كتب كتاب "القانون" ولي اقتابس أغلب ما فيه من "العزيف" .. وحتى هو بغى يدير ما دار "الحظرد" وجا للصحراء وبقى يتجول فيها مابين "موريتانيا" و "المغرب" و "الجزائر" ... كان "كراولي" على علاقة صداقة بعضو فجمعية ماسونية ألمانية و فطريقو اهتم رجال "هتلر" بهاذ الكتاب وصيفطو فرقة خاصة سرقات ترجمة الكتاب لي ترجمو "دي" من "المتحف البريطاني" ..
كاينة أسطورة كتقول أنه كاينة مكتبة فيها كل الكتب الرهيبة وكتب العلوم المخفية فمنطقة " أوشر هورن" ف"سالزبورج" ... وفهاد المكتبة كاينة النسخة الحقيقية ديال "النيكروميكون" مصايب بجلد بشري ... والنسخة الأصلية بالعربية ديال كتاب "العزيف" كاينة عند حاخام يهودي هو الأكبر درجة ف"الكنيست الإسرائيلي" ...