طريقة سهلة الهجرة نحو أوروبا :جرب حظك حيت كلشي ممكن

 طريقةـسهلةـللهجرة
قةـسهلةـللهجرة
التشيكـ النمسا

واحد صاحبنا دار واحد الطريقة ذكية باش جابها فأوروبا ، ماشي بالضرورة تطلب فيزا شنغن من السفارة ديال فرنسا أو إسبانيا أو إيطاليا ، كاين واحد البلان دارو واحد الصديق و صدق ليه، أنا غادي نعاودو ليكوم كيفاش و جرب حظك حيت كلشي ممكن ، أول حاجة عيط خونا للسفارة ديال النمسا و قاليهوم عندي فيزا شنغن للتشيك واش عندي حق ندخل بيها النمسا؟ ..قالو ليه اه يمكن ليك ، عاوتاني دار نفس الشيء اتصل بالسفارة التشيكية و سولهوم و أكدو ليه أنه يمكن ليه يسافر للنمسا نيشان ، دخل موقع بووكينع و ريزيرفا شومبر ففندق إLبوني فالتشيك و دار غير حجز مؤقت باش يقدر يلغيه من بعد ماتخرج الفيزا ، حيت موقع بووكينع الإمتياز لي فيه ماتايخدش الرسوم و الضرائب عند إلغاء الحجز ، من بعد مشا لمكتب سياحي و هضر مع واحد البنت قاليها باغي نريزيرفي بيلليت للتشيك على قبل الفيزا و باغي نلغييها من بعد ، و عطاها 200 درهم قهوة ديالها ، ، من بعد مشا دار ترجمة لشهادة العمل ديالو باللغة الإنجليزية و وجد كشف الحساب البنكي ديال 3 أشهر الأخيرة ، هوما ماتايركزوش على شحال فالحساب بحال الفرونسيس ، و جاب جوج تصاور و فوطوكوبي ديال الباسبور ، من بعد مشا دار التأمين الصحي على السفر من وكالة التأمين ، (خاص يكون تأمين شنغن ) ، نهار كمل وراقو كاملين خدا رينديزءڢووس من السفارة و مشا ليها و تم تلاقا شي دراري غادي يمشيو النمسا بنفس الطريقة ، دخل السفارة و مالقاش فيها ستريسس لي كاين فالقنصلية الفرنسية حيت دفع ليهوم جوج ديال المرات و ماصدقاتش، المهم تسنى واحد شويا و جا عندو موظف فالسفارة و عطاه الوريقات و دازت الأمور بسهولة و عطاه واحد الورقة و قال ليه الموظف من هنا شي عشرين يوم يجيك الرد ، من بعد 20 يوم وافقو ليه عليها فالضربة الأولى و راه باقي لحد الآن فالنمسا مع واحد الكاورية حيت تايفضلها على فرنسا ، خاص بنادم يجرب حظو بجميع الطرق مادامت قانونية و ماغادي تعطي رزقك لحد أو ينصبو عليك السماسرية ديال الهجرة لي تايستاغلو الطموح و أحلام الشباب ، تانعرف بزاف ديال الدراري مشاو بطرق قانونية لكن هربو على المسائل التقليدية للهجرة ، ماكاينش غير فرنسا و إسبانيا و إيطاليا باش تدوز، عطا الله الطرق و الدليل الأفارقة لي استعمرو القارة الأوروبية ، قسما بالله العلي العظيم درت وراقي لفرنسا فمدة عام و ثلاثة أشهر من بعد ماحرقت الفيزا و كاع ماحتاجيت الزواج باش ندير الوراق و نعيش مستعبد من وحدة مسالية راسها، لكن مابقيتش ناعس و تانساين تهبط علي معجزة ، ايلا قلبتي ضروري تلقى .الله يسهل على الجميع .