🇷🇺 🇷🇺 روسيا : دليل الفيزا ومشاهدة المونديال 🇷🇺 🇷🇺واحد السلام ، شحال من واحد بغا يمشي يتفرج فالمونديال فروسيا ولكن ماعرفش كيفاش يقدر ياخد الفيزا ولا تخلطو عليها الشائعات.
أول نقطة نتفاهمو عليها روسيا راها بالفيزا، وكاع داكشي اللي كيتكتب فالصفحات غير أساطير الأوليين. ماتيقتيش هاهيا النمرا تاع القنصلية ف كازا 0522255708. عيط ليهم ، ايجاوبك العم johnny وسولو.
الاعفاء من الفيزا كيخص غير مدينة وحدة سميتها vladivostok جات مفزعة فالشرق حدا سيبيريا وملاصقة مع كوريا الشمالية مافيها مايتشاف من غير الا بغيتي تسمع الناس كيهدرو بالروسية.
دبا الا بغيتي تاخد الفيزا تاع روسيا غادي يخصك نفس الوثائق الابغيتي تاخد فيزا schengen من غير CNSS.
ولكن كيطلبو واحد document هو اللي كيعكز سميتو :
-invitation d'une agence russe.
كيتباع ف internet ابتداءا من 600 درهم. بعد المرات القنصلية كيطلبو النسخة الأصلية ، وباش توصلك ف DHL غادي يطلع ليك كلشي ب 1300 درهم.
من بعد ماتأهل المنتخب للمونديال ، من المؤكد القنصلية غادين يحيدو ها الشرط الشبه تعجيزي اللي كديرو حتا أوكرانيا. ويقدرو يعوضوه غير ب ticket تاع الماتش.
كاينين شي إشاعات كيقولو بلا اللي بغا يمشي يتفرج فالمونديال غادي يخصو غير ticket تاع match و الطيارة مخلصة. هادشي راه قالتو روسيا وماكنتش عارفا المغرب غادي يتأهل ، حيت الا طلقات اللعب، أغلبية المغاربة والتوانسة اللي ماخدامينش ايبقاو فروسيا.
غير اليوم عرفتو شحال من واحد سولني كيفاش يقدر يمشي ل finland ولا يحرك ل منطقة schengen.
انا كنظن بلا روسيا غادي تسهل الفيزا علا اللي بغا يمشي يتفرج ولكن خاصو يكون خدام ولا كيقرا والله أعلم...
المعيشة فروسيا رخيصة، كاينين auberges كيبداو من 3 euros ولكن كيكون فيهم التخوفيش حيت كيجيو ليهم غير pouvriya . والغريزة الإنسانية كتسمح اللي معاك يخدمك ولا يغتاصبك إن اقتضت الضرورة ، هادشي علاش ماتمشيوش auberges اللي رخاص بزاف.
القص فروسيا رخيص وبالأخص الا مشيتي supermarché وطيبتي راسك. وحتا الا كليتي فالزنقة ماغاليش بزاف ، مزال نعقل خديت menu كامل ف subway ب 6 euros.
الحلم ديال الطفولة عند بزاف المغاربة بدا كيتحقق اللي هو يدبر علا روسية. كاين اللي غادي يمشي غير علا قبل التيتيز ، ربما يطيح معا شي وحدة دير ليه الوراق. سير اخويا الله يكمل ليك بغينا ليك غير الخير غير هو السؤال اللول واش كتهدر الروسية ولا على الأقل anglais ?? ماشي مشكل مزال ليك 7 أشهر باش تعلم ، غير هو رد البال من بعض المشاكل اللي كتكرر بزاف:
-شحال من عناب مشا لروسيا و أوكرانيا و بولونيا ونصبو عليه الحور العين لي كيكونو متواطئين مع الحناش.
تقدر دخلك شي بنت وتشد معاك الستون وفالأخر تسولك علا برتوش. الا ديتيها معاك كون متأكد غادي يجيو عندكم البوليس وغادي تقول ليهم حاول يغتاصبني. وهاكدا نصبو جزئيا علا سعد المجرد.
-الطريقة الثانية تاع الاحتيال ، تقدر تكون كالس ق قهوة ولا bar , وغادي تجي تكلس حداك شي موشة عينيها زرقيين وغادي تشد معاك ستون وغادي دخلك واش عندك cigarette , وتقدر تاخد عندك النمرة وفالليل تقول ليك نتلاقاو ف bar , وفين توافق غادي تقول ليك جيب معاك طريفة تاع الحشيش ولا الغبرة. المهم دير فبالك الحناش كيتسناوك ف bar , غير غادي تبدا تفتخ ايوقفو عليك وغادي تولي drug dealer فيها 5 سنين تاع لحبس ولا غادي تفاريها ب 2M على الاقل ف noir. هادشي راه ماشي من الخيال تاعي ولاكن تجارب عاشهم ناس travellers كنعرفهم , وراكم عارفين الحبس كيداير فداك الثلج والجوع والبوليس ماكيعرفش شي لغة من غير الروسية.
بغيتي تعرف علا شي روسية ،دير شي application بحال tinder وغير location تاعك واختار روسيا ، وبدا تخلق علاقات جداد باش داكشي يكون مبني علا الصح.
بالنسبة للمجتهدين اللي باغين يتفرجو فكورة و يرجعو لبلادهم ، غادين تبغيو تعرفو شحال غادي يتقام عليكم كلشي، هادا أقل تقدير تاع الميزانية اللي غادي تخصك لمدة أسبوعين: Zakaria Idrissi
-نبداو بالطيارة: تقدر RAM دير المزيان ، إلا مابغاوش --> الحل الثاني هو تمشي مع TAP PORTUGAL. الثمن ذهابا وإيابا حوالي 3300dh . خاصك تقطع بكري .
هاد الشركة كدير escale ف lisbona, ماغاديش يخصك فيزا schengen كون هاني.
-البرتوش : كانت ضارباك الحزقة خود auberge ب 10$ لليلة. فالمجموع 140$.
-القص : فالصيف غادي يكون الجو سخون ، ماغاديش تحتاج للقص بزاف ماشي بحال يامات البرد خاصك تاكل بحال الضبع. غادي يخصك علا الأقل 12$ فالنهار --> فالمجموع 170$.
-الترونسبور: ماغاليش فروسيا ولكن تقدر تضطر تاخد train ولا الطيارة من مدينة لمدينة حيت الماتشات غادين يتلعبو ف 11 المدينة.
أقل ميزانية غادي تخصك فأسبوعين الا كنتي نمرود هي 9000 درهم + ticket تاع الماتش.
الثمن ديال ticket غالي شوية، لبلاصة لعيانة فالتيران ب 1100درهم. هاد الهدرة كنوجهها للمجتهدين، أما الكسالى أنسطاليو tinder و بدلو postion.
نقطة أخرى مهمة، إلا عندك فيزا شينغن ، تقدر تاخد فيزا لروسيا عند الوصول لمدينة saintpetersburg المدة تاعها 3 أيام بشرط تجي ف bateau من finland ولا estonia وتغادرها بنفس الطريقة. اللي بغا المزيد من المعلومات يهدر معايا ف privé.
ونتماناو الماتشات تاع المنتخب مايتلعبوش ف kalingrad , حيث هاد المدينة جات بعيدة علا روسية ومافيها مايتشاف.
شحال من واحد كيفكر يدير راسو غادي للمونديال ويحرك لفنلاندا،السويد،نرويج... دير فبالك روسيا فيها controle مجهد ، والحدود راهم sécurisées , وحتا الا دخلتي للدول الاسكندنافية غادي تلقاهم عامرين لاجئين بالأخص السويد وحتا الخدمة ف noir صعيبة فهاد الدول. والا كنتي حاط فبالك هاد لبلان وناوي تمشي راه قدامك 7 أشهر باش تقاد anglais تاعك.وأحسن طريقة للتعلم كاتبقا هي السمع وتفرج ف séries مطرجمين ب anglais (قرا الترجمة وسمع)، حيد عليك دوك التخرميز تاع romans.
اللي بغا يطلق لسانو شوية ف anglais ولا rusdia يتقيد فهاد site :
http://www.speaky.com
كاينا application ف store.
كتلقا فيه اي واحد بغا يتعلم شي لغة و chat فنفس الوقت.
بقلم : Zakaria Idrissi
0 تعليقات
أكتب لتعليق