سخان الغازأو الشوفو د الغاز :اسباب تسرب الغاز من السخان ...........

كل مرة تانسمعو فلان سخف فالدوش فلان قتلو الشوفو د الغاز فلان و فلانة ماتو فالدوش .واش الشوفو د الغاز خطير لهاذ الدرجة ؟
لا الشوفو ماشي بهاذ الخطور ولكن تصروفاتنا هي لي تاتجيبها فينا .
الشوفو الا تعرض لواحد الاستعمال مفرط كايولي يطلق غاز اوحادي اوكسيد الكربون لي ما عندو لا لون ولا ريحة هاذ الغاز تيكون نتيجة ديال احتراق غير كامل او احتراق ديال الهواء لي تايكون وسط الرادياتور ديال الشوفو و تايدوز لينا مع الماء .
كيفاش غانتفادا هاذ الغاز ساهلة الشوفو راه دايرين ليه بلاصوة فين يتركب الشوميني باش تفادا الغازات الناتجة عن الاحتراق الغير الكامل اما فوسط الدوش خاصك توفر على نظام تهوية جد بسيط تكون عندك فتحة تحت الباب فين يدخل الهواء البارد و فتحة الفوق مزودة بالايكستراكتور لي غايخرج منها الهواء الساخن مصحوب بأوحادي اوكسيد الكربون .
بالنسبة للناس لي تاتقول غاز البوطان هو السبب راكم غالطين حيث الطريقة باش مصيب الشوفو كاتمنع اي التقاء بين الغاز و الماء فضلا على الريحة ديالو لي كاتسهل التعرف عليه و في حالة ما كاين شي تسريب و ماشميتيش ريحة الغاز فراه غاتشعل العافية فالشوفو ماشي غايدوز ليك مع الماء باش نتفادا هاذ الغاز كاين بزاف ديال الادوات لي ولاو رخاص عزيزي المواطن باش تقي راسك و عائلتك شري ديتيكتور ديال المونوكسيد د كاربون و ديال البوطان داير 150 درهم ديرو فالدوش



أحادي أوكسيد الكربون ماكايدوزش مع الماء .. حيت غادي
CO+H2O <--> CO2+ H2
أحادي أوكسيد الكربون ماكايدوزش مع الما .. حيت فهاد الحالة كاياخد الاوكسيجين لي فالما وماكايبقاش CO
أحادي اوكسيد الكربون كايدوز مع الهواء ديال الدار أو الغرفة ، وكايستهلك كاع الاوكسيجين لي كاين فيها وكايتسبب فالموت