الجاليه المغاربيه عايشين غير بشوماج .... ...

و أنت ببلاد الغربة....
يكفي أنك تولي تعمر قهاوي و لحفاري فين كيتجمعوا مغاربة....
حتى تتكون عندك قناعة و ايمان...أنه مشكل فينا حنا....ناس عاشت وسط لحضارة تقدم رقي ...كانت امامهم جميع ابواب ديال العلم ثقافة و لمعرفة مفتوحة في وجهم....لكن رفضوا التعلم و الارتقاء ...يعيشون أ لاماغوكين لحسن الحظ تماك قانون يؤطر يحمي دولة كيزمط لبشر ...بنادم ضرب تماك 30 عام ما كيلوحش زبل غير حيث كاين بروسي يجيه كيحترم قانون سير فقط لأنه كاميرات في كل مكان....كيولد ولادو تماك كيربيهم بتربية هنا...
قلة قليلة من مغاربة تماك لي أندمجوا كليا ...تغيرت عقليتهم أصبحوا ناس على قدر من علم معرفة تحضر ...ناس منتجين مبدعين ...ستافذوا هما و استفذ منهم لمحيط ديالهم بصموا وجودهم....
غيرهم تماك كيقلب كيفاش يستافذ من دولة الى كان شي معاونة أو شي شوماج أو شي دعم....سواء بطرق مشروعة أو بالقوالب ...يعتقد مغرب هناك انه لقولب دولة فهو دليل على انه عندو دكا زايد مريكل ...أعظم طموحه يدخل شهر 7 يرجع مغرب بسيارة طالق مزيكا سرحاني بأعلى صوت...هدو ما كيمشوو مكتبات متاحف جامعات معاهد و دورات تكوينية هدو كيبقاو في دار كيضربو طاجين كيخرجو يعصرو في قهوة مغاربة او سي شيشا بار ..
تحية لشباب شابات لي مشاو اروبا و مريكان كندا كاع بقاع لعالم....لي هربوا من هذا لبلاد لكحلة ..مشاو اول شيء قاموا بيه هو mise jour لعقليتهم المغربية لمقودة ...بقاو مقاتلين مع افكارهم عاداتهم حتى تغلبوا عليها من بعد انطلقوا نحو عالم جديد ...بحثا على اصلاح ذات تعلم استغلال فرص دراسة و لجد...لقاو راسهم مشاو بعيد....طموحاتهم كبرت وصلت لأبعد حد....
هذا صنف ما كيجيش كل عام مغرب ...هذا صنف كيجول العالم و دول كيكتشف لحضارات و ثقافات كيعيش مغامرات...لا يربطه بالوطن الى الوالدين كيخصص ليهم فترة او كيطلعهم عندو لا سمحت ظروف....هذا صنف ما كيبقاش يضرب في الحرفي تمارة ليل نهار يحرم راسو باش يشري بارطما يبقى يخلص فيها لهيه في الاخير يسدها يبقى عايش لهيه ....مهم غير يتسمى شرا دار في بلاد ...
هذا صنف كيتفادي يعمر لبلايص لي فيهم كحل راس ...مخلي مسافة بينو بين مغاربة لعرب عموما...حيث مضيعة للوقت كيبقاو يدوو في مواضيع تافهة متجاوزة في لكلاخ في جنس في حيحة صيف في بلاد...نهار كيفكروا في شي حاجة كيفكروا كيفاش يخورو دولة...يتهربوا من اداء واجبات في نفس وقت باغيين يستافدو من صحة تعليم لحقوق ...نهار كتزير معاهم دولة اروبية سمطة كيقول لك عنصرية ضد مهاجرين ...
تحية كل مغربي مغربية سمحت ليه فرصة يخرج من هذا لبلاد...اول حاجة دارها هو انه ما بقاش مغربي بالفكر الخايب و ثقافة سلبية و تربية غير لي فيها خلل تراكمات مقودة فقط احتفظوا بالجانب زوين فينا ...ولى انسان واحد اخر...فقط باسبور كارط ناسونال لي بقى كتفكروا راه مغربي ...