سماء رمادية لا شيء يوحي أن هناك مشهد مميز سيحدث ....بائع الانانس يقف بعربته

 ما حدث اليوم يصلح لأن يكون فيلم قصير حاصل على كولدن غلوب....و سعفة ذهبية ...و كاع جوائز عالم سوليما ....
كنت متوجها لمركز لمدينة ...جو بارد سماء رمادية لا شيء يوحي أن هناك مشهد مميز سيحدث ....بائع الانانس يقف بعربته لمنسقة بشكل جميل جدا...بجانبه في ركن شارع مول ديطاي رجل مقعد في كروسة هي بيته ينام هناك يعيش هناك يموت هناك.....جلست بالمقهى خديت نوار ديالي في كأس شعلت واحد ماربورو انا لا ادخن عادة لكن لا اعلم لما أستمتع بتدخين ممزوج بدكة ديال قهوة...نشوة في شكككككل ....
صراخ يتعالى و انت عطني ديالي ...و شاف الله يرحم باك عطني قيتارة ديالي....شاف يجيبه بنبرة مخزنية و انت سير تقود شمكار لي ولدك ...خونا شابع ماحية دو ليه لقرعة و لقيتار...لا اعرف لماذا لكن هذا ما حدث.....و حق رب تا غادي نبلبلها ها انت تشوف ....كان هذا اخر ما قاله صاحب قيتارة و لقرعة....
غبر داك خونا مدة هو يرجع هاز جوج قراعي صباغة و هاز طريطورا....كل قال غادي يشير بيها على صطافيت خونا ما شافش كاع في سطافيت....شرى قرعة ماء غسل بيها طريطوارة ...حيد دجاكيطة ديال كوير لمقطعة لي كان لابس مسحها بها ...
بدا كيصبغ فيها ...سالا منها بدا كيصبغ في الارض لي بجانبها...بانت ليها واحد عصية رقيقة صبغها تا هي حطها حدى لحجرة لا أعلم ماذا قصد بتلك عصى ربما قمع لبوليس...خونا كاع ما مسوق لبشر خدام كيصبغ كيرتوشي....امام انظار الكل ...حينها حسيت بشي حاجة قالت ليا نوض وقف عليه ....وقفت كنتفرج فيه هو غارق وسط افكار ديالو ....
شوية وقف واحد جوج شباب...شوية واحد كوبل...تزاد جوج شرف...واحد المرأة خارجة من فرمسيان ...كملو صحاب فراشة تا هما جاو ...اصبح مشهد اكثر سريالية...تحول شمكار الى فنان لكل يتمتع بمشاهدته ....الغريب في الامر انا حتى اجانب كور جابونيين وقفوا كيتفرجوا كيصورو في الحجرة ....كيسولوا على اش من نوع ديال فن هذا...كور خداو امر بجدية بإحترام و تقدير ...
مغاربة بدعوا...شي كيقول ليهم حجرة من حائط برلين....شي كيقول نيزك طاح ...شي كيقول ليهم راه فن تكعيبي تجريدي ...انه هذا رسام مخرج من مدرسة صالفاطور دالي .....في لحظة كلشي بدا كيصفق بحرارة....كور تا هما جابونيين مغاربة....
لي سالى معايا هو انه في قنط رسم نجمة مغرب عوجها شوية ...واحد شيباني هو يقول ليه راك عوجت نجمة ....شاف فيه داك شمكار بنظرة فلسفية قال ليه راه هذا تعويجة عندها بعد فلسفي ....سولتوا انا كيفاش...قال ليا واش لبلاد كتبان لك مقادة قلت ليه لا هههههه...قال ليا داكشي علاش عوجت دين مها نجمة .ههههههه...مغاربة لي وقفين كلشي خرا بضحك ...كور ما فهمو والو تا هما كيضحكو ...
اشرف على انهاء لوحته ....كتب انه باغي يبيعها 7500 درهم ....كلنا تهزينا بضحك...واحد كورية بكل جدية كتناقش معاه ثمن ...عطاتو 1000 درهم ما بغاش يبيع ...مغاربة كيقول ليه تا شد 1000 درهم و الله ما تسوق ما بغاش يهبط ثمن....شاف فيا انا بحكم انني انا اول واحد وقف عليه...قال ليا حضي معاك هذا شي لي جا ضرب معاه ...نجي نضبر علك..
واش بغى يبيع ديك لحجرة كرمز للبلاد ها حقي في هذا وطن عطوني فيه غير 7500 درهم...واش بغى يبيع ديك نجمة لكترمز لجنسية ديالو كمغربي ...واش بغى يبيع لعصى لي حد لحجرة كرمز انه لقمع لحكرة خاص تحيد من لبلاد....واش غير مسطي طلقها علينا....بززززاف تأويلات...كلها صحيحة نفس وقت غالطة ...هو فقط من يعلم ...
ذهب لفنان و لم يعد....بقات ديك حجرة تماك ...لي داز كيبقى يشوف ....لمقودة هو واحد خونا طلع مصروف نهار ...كور كوقف يتصورو معها ..
كيقول ليهم 10 دراهم...هههههه
معرفتش اش بغى يقول او اش بغى يوصل ...لكن لي فهمت انه بغى يقول لهدوك لي دو ليه قيتارة ديالو...ها انا كبر منكم انا انسان انا فنان...انا مغربي ...حكرتوني ....ها انا دابا بزز منكم وقفت ناس يصفقوا ليا يعترفوا بيا ....ترك عمله الفني و ذهب لا اعلم اين ...لكن اعلم جيدا انا هذا الانسان لو كان في بلد اخر لو كان الامر مختلف....دابا شوفو كيفاش تقلعوا طرطوار باش تحيدو داكشي لي دار ...ترك توقيعه شمكار مر من هنا ....تمنيت لو عرفت فين كيعمر لو شريت ليه قيتار...