مورينيو فيليكس من لاعب فاشلٍ إلى أعظم أسطورةٍ ......

  جوزيه ماريو دوس سانتوس مورينيو فيليكس (José Mário dos Santos Mourinho Félix) الملقب بالسبيشن وان
مورينيو كان لاعب فاشل ولكن ولا مدرب عظيم.السبيشن وان معروف بالشغب ديالو وإثارتو للمشاكيل فين مامشا.
جوزيه مورينيو تزاد نهار 26 يناير عام 1963 بمدينة سيتوبال في غرب البرتغال.
بدا يلعب الكروة كلاعب وسط مع نادي ريو إفي بين 1980 و1982، من بعد انتاقل لنادي بلنينسش موسم 1982ء1983، ومن وراها لعب في نادي سيسمبرا موسم 1984، ولعب مع نادي تكنيكا موسم 1984ء1985، واختاتم المسيرة ديالو في نادي كوميرسيو إي أندوستريا اللي لعب معاه ما بين 1986 و1987.
بعد مسيرة فاشلة كلاعب مورينيو مستسلمش وكمل قرايتو في تخصص "علم الرياضة" بالجامعة التقنية ديال لشبونة، ودوز تكوين في مجال التدريب في بريطانيا، وخدم أستاذ ديال التربية البدنية، وخدم مدرب ومنقب على المواهب لفراقي الصغار(الناشئين).
من بعد ولا خدام خدمة جديدة وهي الترجمة بحيث كان تيترجم هضرة المدربين للاعبين وبدا مع المدرب الإنجليزي بوبي روبسون في نادي "سبورتينغ لشبونة" البرتغالي، من بعد مشا معاه لبرشلونة الإسبان، وبقا خدام مع البارسا النادي حتا لقا راسو مع المدرب الهولندي الغني على التعريف لويس فان خآل.
عام 2000 غادي تنطالق المسيرة ديالو كمدرب بحيث بدا مع نادي بنفيكا، لي دوز معاه فترة قصيرة انتاقل من بعدها موسم 2001ء2002 باش يدرب نادي يو دي ليريا قبل ميدوز تجربة ناجحة في موسمي 2002ء2004 مع نادي بورتو البرتغالي. بحيث حقق معاه مجموعة من الألقاب، لقب الدوري البرتغالي موسمي 2003 و2004، وكأس البرتغال عام 2003، وكأس السوبر البرتغالي، ولقب كأس الاتحاد الأوروبي في نفس العام، بالإضافة إلى احسن لقب للأندية دوري الأبطال(التشامبينز ليغ) في 2004.
بعد مسيرة ناجحة مع بورتو، المدرب ديالنا غيخرج من البرتغال وغيمشي لإنجلترا وبالضبط لنادي البلوز تشيلسي لي غيدوز معاه ثلاتة السنين غيحقق فيها لقب البروميير ليغ (الدوري الإنجيزي) زوج مرات في 2005 و2006 وكأس "كارلينج كاب" زوج مرات في 2005 و2007، وكأس السوبر الإنجليزي عام 2005، وكأس إنجلترا عام 2006
في 2008 غيمشي لإيطاليا وغيدرب انتر ميلانو لي غيدوز معاه موسم متميز وغيربح معاه لقب الدوري الإيطالي زوج مرات في 2009 و2010، وكأس إيطاليا في 2010، ولقب السوبر الإيطالي في 2008، ولقب دوري أبطال أوروبا عام 2010 وهادا غيكون آخر تشامبينز ليغ تيفوز تيفوز بيه فريق إيطالي لحد الآن.
وفي نفس السنة غيفوز بجائزة أفضل مدرب في العالم من قبل "الاتحاد الدولي لتاريخ وإحصائيات كرة القدم (ىFFحص)،
النجاحات ديالو غتلفت انظار بيريز رئيس ريال مدريد لي كان تيدوز من أزمة وغيجيب مورينيو باش يفكو من هاد الأزمة براتب خيالي كيتقدر ب14 مليون يورو سنويا (يعني كثر من 14 مليار سنتيم)، ولكن مغاديش يحقق النجاح لي كانو يتوقعو منو بحيث غيربح غير ثلاتة الألقاب لقب الدوري الإسباني عام 2012، وكأس ملك إسبانيا عام 2011، ولقب السوبر الإسباني عام 2012.
ولكن الفترة ديالو في إسبانيا غيخوض حرب مع الصحافة الإسبانية والتحكيم الإسباني بحيث كان دائما تيخرج بشي تصريحات تتخليه يكون في الصفحات الرئيسية، وكان دائما تينتاقد التحكيم الاسباني الشي لي خلاه يتعاقب شحال من مرة بالتوقيف أو بغرامات مالية.
في 2013 غيخرج من الريال وغيرجع للفريق ديالو السابق لي دخل في أزمة تشيلسي وغيتمكن السبيشن وان باش يرجعو لسكة الألقاب وغيفوز معاه بالدوري الإنجليزي وكأس كارلينج كاب في 2015.
في 2014 غيتوجو الإتحاد البرتغالي بجائزة أفضل مدرب برتغالي في القرن 20
وفي 2016 غيشرف على تدريب مانشيستر يونايتيد لي مزال تيدربو لحد الآن وفاز معاه بكأس الدرع الخيرية في 2016 وكأس الرابطة الإنجليزية في 2017والدوري الأوروبي في 2017