ﻛﻴﻔﻴﺔ ﺗﻌﻠﻢ ﺍﻟﻠﻐﺔ الفرنسية

صراحة مايمكنش تصورو قيمة الفخر والسعادة اللي حسيت بها من بعد ما شفت التعاليق على المقال اللي درت ديال #شارلي_كيفاش_تعلمت_الإنجليزية حسيت براسي درت مقال مفركع لي كومونطير مابغاوش يحبسو لدابا والناس كاتجي تستفسر فالبريفي وكانمد ليها يد المساعدة، من بعد ما تبارطاجا المقال فالباج ديال شارلي جوج مرات الطريقة دارت بووم فالفيسبووك وبنادم بحالا كان خاصو غير راس الخيط وعطيتو ليه. كانفتخر مرة اخرى ان شارلي كان ليا منبر حتى بارطاجيت داكشي اللي عندي، ويكفيني فخر انني لقيت المقال فكروبات اخرين وخا بدون اسم معنديش مشكل مهم كانشوف بنادم كيستافد من داكشي اللي قلت باركا عليا لها يعرفوني شكون انا هههه، فليكومونطير لقيت بزاف ديال الناس كيسولو على الفرنسية الصراحة كاينة طريقة واعرة تاهيا بحال هاديك ديال الإنجليزية كنت كانحطها فليكومونطير ديال اي واحد سول على الفرنسية ولكن مالقيتش الوقت باش نشرحها حتال بالصدفة داخل لواحد الكرووب تا كالقا واحد الساط قرا مقالي ديال الانجليزية وتأنسبيرا و هو يدوي على الفرنسية فاماغادي تكوون غير ديك الطريقة اللي كنت حطيت فليكومونطير هوا دوا عليها يعني دار داكشي اللي كنت باغي ندير متصوروووش قمة السعادة اللي فيها انا دابا علاش؟ لأنه تعلمت ان العلم يكبر بالمشاركة اااااااه وي يكبر بالمشاركة ماشي نتا بوحدك اللي باغي تكوون عارف ومخبي الطرق السحرية ديالك! فكر شحال غانعيشو 80 90 سنة؟ راه والو ايلا بقيتي مخبي العلم ديالك غاتموت غاتموت (واي سو سيريوس؟ تيك إيت إيزي) بارطاجييييو راه الأمم كاتزيد للقدام بالبارطاج اي حاجة مفيدة مكيخبيوهاش... شكراً لاي واحد تفاعل مع المقال ديالي وسدد كلمة شكر، نخليييكم دابا مع
اشنو كتب السيد

==============================
#كيفاش_تعلمت_الفرنسية
ﻣﻦ ﺑﻌﺪ ﻣﺎﻗﺮﻳﺖ ﻻﻏﺘﻴﻜﻞ ﺩﻳﺎﻝ ﺍﻷﺥ ﻟﻲ ﻧﺸﺮﻭ ﻋﻠﻰ ﻛﻴﻔﻴﺔ ﺗﻌﻠﻢ ﺍﻟﻠﻐﺔ ﺍﻹﻧﺠﻠﻴﺰﻳﺔ ﻭﻟﻲ ﻛﺎﻧﺸﻜﺮﻭ ﻣﻦ ﻫﺎﺩ ﺍﻟﻤﻨﺒﺮ ﺣﻴﺖ ﺧﺪﺍ ﺍﻟﻤﺒﺎﺩﺭﺓ ﻭﺗﻜﻠﻢ ﻓﻬﺎﺩ ﺍﻟﻤﻮﺿﻮﻉ ﻭ ﺑﻜﻮﻧﻲ ﺣﺘﺎ ﺃﻧﺎ ﻓﺼﺪﺩ ﺗﻄﺒﻴﻖ ﻭﺍﺣﺪ ﺍﻟﺘﻘﻨﻴﺔ ﻟﻲ ﻗﺮﻳﺒﺔ ﺑﻌﺾ ﺍﻟﺸﻴﺊ ﻟﻴﻬﺎ ﻭ ﻟﻜﻦ ﻫﺎﺩﻱ ﺑﺎﻟﻔﺮﻧﺴﻴﺔ ﻭﻟﻲ ﻳﻤﻜﻨﻠﻴﻚ ﺗﻄﺒﻘﻬﺎ ﻋﻠﻰ ﺃﻱ ﻟﻐﺔ ﺑﻐﻴﺘﻲ ﺗﻌﻠﻢ ﺗﺪﻭﻱ ﺑﻴﻬﺎ , ﻭ ﻋﻨﺪﻫﺎ ﺍﻣﺘﻴﺎﺯﺍﺕ ﻭ ﺷﺨﺼﻴﺎ ﻛﻨﻌﺘﺒﺮﻫﺎ ﺍﻷﺭﻭﻉ ﻭ ﺍﻷﺳﻬﻞ ﻓﺎﻟﺘﻄﺒﻴﻖ ﺩﻳﺎﻟﻬﺎ , ﻫﺎﺩﻱ ﺣﻘﻘﺎﺕ ﻧﺠﺎﺡ ﺑﺎﻫﺮ ﻭ ﺍﻟﻨﺎﺱ ﻣﺴﺘﺎﻓﺪﻳﻦ ﻣﻨﻬﺎ ﻓﻤﺨﺘﻠﻒ ﺑﻘﺎﻉ ﺍﻟﻌﺎﻟﻢ , ﺧﻠﻴﻨﺎ ﻣﻦ ﺩﻭﻙ مراكز اللغات ﺩﻳﺎﻝ 2 ﺩﺭﻳﺎﻝ ﻟﻲ ﻛﺘﺨﺴﺮ ﻓﻴﻬﻢ ﺭﺯﻗﻚ ﻏﻲ ﻓﺎﻟﺨﺎﻭﻱ , ﻫﺎﺩﻱ ﺇﻟﻰ ﻋﻨﺪﻙ ﺍﻟﺮﻏﺒﺔ ﻭ ﺑﻐﻴﺘﻲ ﺗﻮﺻﻞ ﻭﺍﻟﻠﻪ ﺷﻲ ﻭﺍﺣﺪ ﻻ ﺣﺒﺴﻚ ﺗﻌﻠﻢ ﻓﺎﺑﻮﺭ ﻭ ﺑﻮﺣﺪﻙ ﻭﻣﺮﺗﺎﺡ بدون قيود ﻭ ﺍﻟﻔﺮﻭﻧﺴﻲ ﺩﺍﺧﻠﺔ ﺧﺎﺭﺟﺔ ﻣﻨﻚ ﻳﻌﻨﻲ ﻏﺘﻮﻟﻲ ﺗﻌﻴﺸﻬﺎ ﻓﺤﻴﺎﺗﻚ ﻛﺘﺸﻴﺮ ﺍﻹﺣﺼﺎﺋﻴﺎﺕ ﻭﻟﻲ ﺩﻻ ﺑﻴﻬﺎ ﺻﺎﺣﺐ ﺍﻟﻔﻜﺮﺓ ﺃﻥ ﻛﺘﺮ ﻣﻦ 200.000 ﺷﺨﺺ ﻣﺴﺘﺎﻓﺪﻳﻦ ﻣﻨﻬﺎ ﻭ ﻣﺄﺧﺮﺍ ﺃﻥ ﻣﻦ ﺑﻴﻨﻬﻢ ﺃﻛﺜﺮ ﻣﻦ 80.000 ﻭﺍﺣﺪ ﺍﺳﺘﺎﻃﻌﻮ ﻳﺤﻘﻘﻮ ﺍﻟﻬﺪﻑ ﺃﻻ ﻭ ﻫﻮ ﺍﻟﺘﻜﻠﻢ ﺑﺎﻟﻠﻐﺔ ﺍﻟﻔﺮﻧﺴﻴﺔ ﺑﻄﻼﻗﺔ ﻣﻦ ﺑﻴﻨﻬﻢ ﺑﺰﺍﻑ ﺩﻳﺎﻝ ﺍﻟﻌﺮﺏ ﻭ ﺍﻟﻤﻐﺎﺭﺑﺔ ﻭ ﺍﻟﺠﺰﺍﺋﺮﻳﻴﻦ ﻟﻲ ﻭﺍﺧﺬﻳﻦ ﺣﺼﺔ ﺍﻷﺳﺪ ﻧﻀﺮﺍ ﻟﻠﺤﺎﺟﺔ ﺩﻳﺎﻟﻨﺎ ﻣﻦ ﺍﻟﺪﺭﺟﺔ ﺍﻷﻭﻟﻰ ﻟﻬﺎﺩ ﺍﻟﻠﻐﺔ , ﺍﻟﻤﻬﻢ ﻛﻴﻤﺎ ﻛﻨﻌﺮﻓﻮ ﺍﻟﻠﻐﺔ ﺍﻟﻔﺮﻧﺴﻴﺔ ﻭ ﻟﻲ ﻛﻨﻈﻦ ﻛﺎﻧﺖ ﻭﻻ ﺯﺍﻟﺖ ﺍﻟﻌﻘﺪﺓ ﺭﻗﻢ ﻭﺍﺣﺪ ﻟﻜﻞ ﺍﻟﻤﺨﻠﻮﻗﺎﺕ ﻓﻬﺎﺩ ﺍﻟﺒﻼﺩ ﺍﻟﺴﻌﻴﺪﺓ ﺑﻼ ﺑﻴﻬﺎ ﻛﺘﺤﺮﻡ ﺭﺍﺳﻚ ﻣﻦ ﺑﺰﺍﻑ ﺩﻳﺎﻝ ﺍﻟﻔﺮﺹ ﺳﻮﺍﺀ ﻋﻠﻰ ﺍﻟﻤﺴﺘﻮﻯ ﺍﻟﺪﺭﺍﺳﻲ ﺃﻭ ﺍﻟﻤﻬﻨﻲ , ﺍﻟﻤﻬﻢ ﻫﺎﺩ ﺍﻟﻄﺮﻳﻘﺔ ﻟﻲ ﻏﺎﻧﺪﻭﻱ ﻋﻠﻴﻬﺎ ﻛﻨﻈﻦ ﻓﻴﻬﺎ ﺑﻌﺾ ﺍﻻﺧﺘﻼﻓﺎﺕ ﻋﻠﻰ ﺍﻟﻄﺮﻳﻘﺔ ﺩﻳﺎﻝ الأنجليزية ﻭ ﻟﻜﻦ ﺍﻟﻘﺎﻋﺪﺓ ﻣﺸﺘﺮﻛﺔ , ﻓﺎﻟﺼﺮﺍﺣﺔ ﻣﺎ ﺧﻔﺖ ﻧﻜﺪﺏ ﻫﺎﺩ ﺍﻟﺴﻴﺪ ﻟﻲ ﺩﻭﺍ ﻋﻠﻴﻪ ﻣﻮﻝ ﻟﻮﻧﮕﻠﻲ ﻫﻮ ﻟﻲ ﺳﺮﻕ ﺍﻟﻔﻜﺮﺓ ﺩﻳﺎﻝ ﻫﺎﺩ ﺧﻮﻧﺎ ﻟﻲ ﻏﻨﺪﻭﻱ ﻋﻠﻴﻪ ﻫﻬﻪ ﺣﻴﺖ ﺍﻟﻔﻜﺮﺓ ﻣﺎﺗﻮﺻﻞ ﻟﻴﻬﺎ ﻣﻮﻻﻫﺎ ﺣﺘﺎ ﺩﻭﺯ ﻋﺎﻣﺎﻳﻦ ﺩﻳﺎﻝ ﺍﻟﺘﺤﺮﺑﻴﻦ ﻓﺪﻭﻝ ﺃﺟﻨﺒﻴﺔ ﻭ ﺩﺍﺭ ﺑﺰﺍﻑ ﺍﻟﺪﺭﺍﺳﺎﺕ ﻭ ﺍﻷﺑﺤﺎﺙ ﻋﺎﺩ ﺑﺎﺵ ﺗﻮﺻﻠﻬﺎ ﻧﺪﺧﻠﻮ ﻟﺼﻠﺐ ﺍﻟﻤﻮﺿﻮﻉ ﻫﺎﺩ ﺍﻟﺘﻘﻨﻴﺔ ﻛﻨﻀﻦ ﺑﻠﻲ ﺑﺰﺍﻑ ﺩﻳﺎﻝ ﺍﻟﻨﺎﺱ ﻭﻻﻭ ﻛﻴﻌﺮﻓﻮﻫﺎ ﻟﻲ ﺳﻤﻴﺘﻬﺎ Français Authentique , ﺍﻟﻤﺒﺘﻜﺮ ﺩﻳﺎﻟﻬﺎ ﻫﻮ ﻭﺍﺣﺪ ﺧﻮﻧﺎ ﻓﺮﻧﺴﻲ ﺳﻤﻴﺘﻮ Johan ﻫﺎﺩ ﺧﻮﻧﺎ ﺍﺑﺘﻜﺮ ﺍﻟﻔﻜﺮﺓ ﻣﻦ ﺑﻌﺪ ﻭﺍﺣﺪ ﺍﻟﺘﺠﺮﺑﺔ مهنية ﻋﺎﺷﻬﺎ ﻓﺎﻟﻨﻤﺴﺎ ﻑ 2007 ﻭﻟﻲ ﻛﺎﻥ ﻟﻘﺎ ﺻﻌﻮﺑﺔ ﻛﺒﻴﺮﺓ ﺑﺎﺵ ﻳﺘﻌﻠﻢ ﺍﻟﻠﻐﺔ ﺩﻳﺎﻟﻬﻢ ﻭﻣﻦ ﺑﻌﺪ ﺑﺰﺍﻑ ﺩﻳﺎﻝ ﺍﻷﺑﺤﺎﺙ ﻋﺎﺩ ﺗﻮﺻﻠﻬﺎ ﻭ ﻑ 2011 ﻣﻦ ﺑﻌﺪ ﻣﺎﺭﺟﻊ ﻟﺒﻼﺩﻭ ﻗﺮﺭ ﻳﺒﺪﺍ ﻣﺸﺮﻭﻉ ﺟﺪﻳﺪ ﻭ ﻟﻲ ﺑﺴﺒﺎﺑﻮ ﺣﻘﻖ ﺇﻧﺠﺎﺯ ﻛﺒﻴﺮ ﻭ ﻟﻘﺎ ﺇﻗﺒﺎﻝ ﻣﻦ ﻣﺨﺘﻠﻒ ﺍﻟﺸﺮﺍﺋﺢ ﻟﺴﻬﻮﻟﺔ ﺍﻟﻮﻟﻮﺝ ﺇﻟﻴﻪ ﻭ ﺫﻟﻚ ﺑﺎﻹﻋﺘﻤﺎﺩ ﻋﻠﻰ ﻃﺮﻕ ﻃﺒﻴﻌﻴﺔ ﻛﺎﻟﺴﻤﻊ ﺑﺎﻟﺪﺭﺟﺔ ﺍﻷﻭﻟﻰ ﻭ ﺍﻟﻘﺮﺍﺀﺓ . ﻧﺒﺪﺍﻭ ﺍﻟﺘﻄﺒﻴﻖ ﻛﻴﻤﺎ ﺍﻟﻠﻮﻟﻰ ﺣﺘﺎ ﻫﺎﺩﻱ ﻛﺘﻌﺘﺎﻣﺪ ﺑﺪﻭﺭﻫﺎ ﻋﻠﻰ 7 ﺩﻳﺎﻝ ﺍﻟﻘﻮﺍﻋﺪ ﻭ ﻫﻤﺎ ﺍﻟﺮﻛﺎﺋﺰ ﺍﻟﺮﺋﻴﺴﻴﺔ ﺩﻳﺎﻝ ﻫﺎﺩ ﺍﻟﺸﻲ ﻛﻮﻟﻮ ﻭ ﻣﻨﻬﻢ ﻣﻤﻜﻦ ﺗﻐﻴﺮ ﺑﺰﺍﻑ ﺩﺍﻟﺤﻮﺍﻳﺞ ﻓﺤﻴﺎﺗﻚ ﻭ ﺗﻨﻔﺎﺗﺢ ﻋﻠﻰ ﺑﺰﺍﻑ ﺩﻳﺎﻝ ﺍﻟﻌﻮﺍﻟﻢ ﻭ ﺃﻳﻀﺎ ﺑﺎﻟﺪﺭﺟﺔ ﺍﻷﻭﻟﻰ ﺗﻮﺻﻞ ﻟﺪﺍﻙ ﺍﻟﺸﻲ ﻟﻲ ﻛﺘﺤﻠﻢ ﺑﻴﻪ ﺑﻌﺪ ﻣﺎ ﺗﺤﻴﺪ ﻋﻠﻴﻚ ﻫﺎﺩ ﺍﻟﻌﺎﺋﻖ ﺩﻳﺎﻝ ﺍﻟﻠﻐﺔ ﻟﻲ ﻭﻻﺕ ﺃﻛﻔﺲ ﻛﺎﺑﻮﺱ ﻛﻴﻌﻴﺸﻮ ﺍﻟﻜﺎﺋﻦ ﺍﻟﻤﻐﺮﺑﻲ ﻧﺒﺪﺍﻭ ﻓﺎﻟﺸﺮﺡ ﺑﻄﺒﻴﻌﺔ ﺍﻟﺤﺎﻝ ﺍﻟﻔﻌﺎﻟﻴﺔ ﻭ ﺍﻟﺘﻄﺒﻴﻖ ﺩﻳﺎﻝ ﻫﺎﺩ ﺍﻟﻘﻮﺍﻋﺪ ﻛﺎﻳﻨﻴﻦ ﻑ les produits ﻟﻲ ﻛﺎﻳﺒﻴﻌﻬﻢ ﻫﺎﺩ ﺧﻮﻧﺎ ﺣﻴﺖ ﻛﻴﻤﺎ ﻛﺘﻌﺮﻓﻮ ﻟﻮﺍﺣﺪ ﻣﺎﻳﻤﻜﻨﺶ ﻳﺴﺘﺜﻤﺮ ﺑﺰﺍﻑ ﻣﻦ ﻭﻗﺘﻮ ﻭ ﻓﻠﻮﺳﻮ ﻭ ﻓﺎﻟﻠﺨﺮ ﻣﺎﻳﺮﺟﻊ ﻭﺍﻟﻮ ﻟﻬﺬﺍ ﺩﺍﻳﺮ 2 packs ﺍﻟﻠﻮﻝ ﺩﺍﻳﺮ €50 ﻭ ﺍﻟﺘﺎﻧﻲ €100 ﻭ ﺩﺑﺎ ﺧﺮﺝ ﺍﻟﺘﺎﻟﺖ , ﻭﻟﻜﻦ ﺻﻌﻴﺐ ﺗﻠﻘﺎﻫﻢ ﻛﻴﺘﺒﺎﻋﻮ ﻭ ﻛﺎﻧﻮ ﺧﺮﺟﻮ ﻓﺒﻌﺾ ﺍﻟﻤﻮﺍﻗﻊ ﻭ ﻟﻜﻦ ﺗﻤﻨﻌﻮ ﻣﻦ ﺑﻌﺪ . ﻣﺎﺳﻮﻗﻨﺎﺵ ﺃﺧﻲ ﺍﻹﻓﺮﻳﻘﻲ ﺍﻟﻔﻘﻴﺮ ﺩﻳﺮ ﺑﺤﺎﻟﻲ ﻭ ﺑﺤﺎﻝ ﺧﻮﺗﻨﺎ ﻟﻲ ﺳﺒﻘﻮﻧﺎ ﻣﺎ ﻋﻠﻴﻚ ﻏﻴﺮ ﻃﺒﻖ ﻫﺎﺩ ﺍﻟﻘﻮﺍﻋﺪ ﺣﺮﻓﻴﺎ ﻭ ﻫﺎﻧﺘﺎ ﻣﻬﻨﻲ . ﻗﺒﻞ ﻣﻨﺒﺪﺍ ﻓﺎﻟﺸﺮﺡ ﻏﻨﺸﻴﺮ ﻟﻮﺍﺣﺪ ﺍﻟﻤﺴﺎﻟﺔ ﻫﺎﺩ ﺍﻟﺘﻘﻨﻴﺔ ﻣﻮﺟﻬﺔ ﻟﻠﻨﺎﺱ ﻟﻲ ﺩﻳﺠﺎ ﻛﻴﻔﻬﻤﻮ ﺍﻟﻔﺮﻧﺴﻴﺔ ﻳﻌﻨﻲ ﻛﺘﻔﻬﻢ ﻭﻣﻜﺘﻌﺮﻓﺶ ﺗﺠﺎﻭﺏ ﻭ ﻛﺘﺒﻘﺎ ﻣﺘﻔﺘﻒ ﻭ ﻣﺒﻠﻮﻛﻲ ﻫﺎﺩﻱ ﺍﻟﻠﻮﻟﺔ . ﺍﻟﺜﺎﻧﻴﺔ ﻛﻴﻤﺎ ﻗﺎﻝ ﺍﻻﺥ ﺍﻟﻜﺮﻳﻢ ﺍﻟﻰ ﻋﻨﺪﻙ ﺷﻲ ﻛﺘﺎﺏ ﺩﻳﺎﻝ conjugaison wla grammaire ﻏﻴﺮ ﺣﺮﻕ ﻳﻤﺎﻩ ﺣﺘﺎ ﻣﻦ dictionnaire ﻣﺎﺗﻌﺘﺎﻣﺪﺵ ﻋﻠﻴﻪ ﺑﺰﺍﻑ ﺣﻴﺖ ﻫﺎﺩ ﺍﻟﺸﻲ ﻋﻦ ﺗﺠﺮﺑﺔ ﻓﻴﺖ ﺑﺰﺍﻑ ﺍﻟﺘﻌﻠﻢ ﺍﻟﺘﻘﻠﻴﺪﻱ . ﺍﻟﻘﺎﻋﺪﺓ ﺍﻷﻭﻟﻰ : ECOUTER ﺑﺎﺵ ﺗﺤﺴﻦ ﻣﻦ ﻣﺴﺘﻮﺍﻙ ﺧﺎﺳﻚ ﺗﺒﻘﺎ ﺗﺴﻤﻊ ﺑﺰﺍﺍﻑ ﺩﺍﻟﻔﺮﻭﻧﺴﻲ ﻭ ﻟﻜﻦ ﻟﻲ ﻛﺘﻔﻬﻤﻬﺎ ﻧﺘﺎ ﻣﺜﻼ ﻗﺼﺺ ﺑﺴﺎﻁ , ﻭﺛﺎﺋﻘﻲ ﻋﻠﻰ ﺷﻲ ﺣﺎﺟﺔ ﻛﺘﻌﺠﺒﻚ , ﺳﻤﻊ ﺷﻲ ﺣﺎﺟﺔ ﻣﻦ ﺍﻟﺘﺨﺼﺺ ﻟﻲ ﻛﺘﻘﺮﺍ ﻓﻴﻪ .. ﺃﻧﺎ ﻛﻨﺼﺤﻜﻮﻡ ﺗﺪﺧﻠﻮ ﻟﻠﻤﻮﻗﻊ ﺍﻟﺮﺳﻤﻲ
www.francaisauthentique.com ﻓﻴﻪ ﻛﻠﺸﻲ ﻭ ﺣﺘﻰ ﺩﺍﻙ ﺍﻟﺸﻲ ﻟﻲ ﻛﺎﻳﻠﻮﺡ ﻓﺎﺑﻮﺭ ﻭ ﻛﻴﻬﺪﺭ ﺑﻄﺮﻳﻘﺔ ﺳﺎﻫﻠﺔ ﻭ ﻣﻔﻬﻮﻣﺔ mp3 ﻭ pdf.
ﺍﻟﻘﺎﻋﺪﺓ ﺍﻟﺜﺎﻧﻴﺔ : Ecouter la même chose de nombreuses fois ﻳﻌﻨﻲ ﺧﺎﺳﻚ ﺗﺒﻘﺎ ﺗﺮﺩﺩ ﺩﺍﻙ ﺍﻟﺸﻲ ﻟﻲ ﺳﻤﻌﺘﻴﻪ ﻋﺎﻭﺩﻭ ﺑﺰﺍﻑ ﺩﻳﺎﻝ ﺍﻟﻤﺮﺍﺕ ﻫﻨﺎ ﻻ ﺇﺭﺍﺩﻳﺎ ﺩﻭﻙ ﺍﻟﻜﻠﻤﺎﺕ ﻟﻲ ﺳﻤﻌﺘﻴﻬﻢ ﻭ ﻟﻲ ﺑﻄﻴﺒﻌﺔ ﺍﻟﺤﺎﻝ ﻏﺘﻜﻮﻥ ﺩﻳﺠﺎ ﻓﺎﻫﻤﻬﻢ ﻏﻴﺘﺴﺠﻠﻮ ﻓﺪﻣﺎﻏﻚ ﺑﻼ ﻣﺎﺗﺤﺲ ﻻ ﺍﺭﺍﺩﻳﺎ .
ﺍﻟﺜﺎﻟﺜﺔ : Vous devez pratiquer le Français au minimum 30 min par jour 1h et plus serait mieux) ﻳﻌﻨﻲ ﺧﺎﺳﻚ ﺗﺨﺪﻡ ﻧﺺ ﺳﺎﻋﺔ ﻓﺎﻟﻨﻬﺎﺭ ﻛﺄﻗﻞ ﺗﻘﺪﻳﺮ ﻭ ﺳﺎﻋﺔ ﺣﺴﻦ ﻋﻠﻰ ﺣﺴﺐ ﻭﻧﺘﺎ ﻭﺍﻟﺮﻏﺒﺔ ﻭ ﺍﻟﻘﺪﺭﺍﺕ ﺩﻳﺎﻭﻟﻚ ﻭ ﻛﻨﻀﻦ ﻓﻬﺎﺩ ﺍﻟﺼﻴﻒ ﺍﻟﻮﻗﺖ ﻛﻮﻟﻮ ﺩﻳﺎﻟﻚ ﻏﻴﺮ ﺇﻻ ﻣﺒﻐﻴﺘﻴﺶ . ﺍﻟﺮﺍﺑﻌﺔ: Ne Stressez Pas, Ayez l'esprit kaizen ﻳﻌﻨﻲ ﻣﺎﺿﻐﻄﺶ ﻋﻠﻰ ﺭﺍﺳﻚ ﻗﺮﺍ ﻭﺳﻤﻊ ﻭﻧﺘﺎ ﻣﺮﺗﺎﺡ ﻭ ﻫﺎﺩ ﺍﻟﺘﻘﻨﻴﺔ ﺩﻳﺎﻝ kaizen ﻛﺎﻳﻦ ﺍﻟﺸﺮﺡ ﺩﻳﺎﻟﻬﺎ ﻓﺎﻟﭭﻴﺪﻳﻮ ﻳﻌﻨﻲ ﻛﻠﻤﺎ ﺧﺪﻣﺘﻲ ﻏﻴﺮ ﺷﻮﻳﺔ ﻛﻞ ﻧﻬﺎﺭ ﻛﺎﺗﻜﻮﻥ ﻓﻌﺎﻟﻴﺔ ﻛﺘﺮ ﻣﻦ ﺇﻻ ﻛﻨﺘﻲ ﻛﺘﻀﻐﻂ ﻋﻠﻰ ﺭﺍﺳﻚ .
ﺍﻟﺨﺎﻣﺴﺔ : Utiliser des Histoires ﻳﻌﻨﻲ ﺑﻘﺎ ﺗﺴﻤﻊ ﻟﻘﺼﺺ ﺯﻭﻳﻨﻴﻦ ﻋﻄﺎ ﺍﻟﻠﻪ ﻏﻴﺮ ﻫﻤﺎ ﻓﺎﻟﻴﻮﺗﻮﺏ ﻫﺎﺩ ﺍﻟﺸﻲ ﺑﺎﺵ ﻣﺎﻳﺠﻴﻜﺶ ﺍﻟﻤﻠﻞ . ( ﺍﻟﺘﻮﺿﻴﺢ ﻛﺘﺮ ﻛﺎﻳﻦ ﻓﺎﻟﻘﺎﻋﺪﺓ ) .
ﺍﻟﺴﺎﺩﺳﺔ : Utiliser le contexte pour mieux comprendre ﺇﻟﻰ ﻣﺎﻓﻬﻤﺘﻴﺶ ﺷﻲ ﻛﻠﻤﺔ ﺷﻮﻑ ﺍﻟﺴﻴﺎﻕ ﺩﻳﺎﻟﻬﺎ ﻛﻴﻒ ﺟﺎ ﻓﺎﻟﺠﻤﻠﺔ ﻳﻌﻨﻲ ﺍﻟﺴﻴﺎﻕ ﺩﻳﺎﻟﻬﺎ ﻫﻮ ﻟﻲ ﻏﻴﺸﺮﺣﻬﺎ .
ﺍﻟﺴﺎﺑﻌﺔ ﻭ ﺍﻷﺧﻴﺮﺓ : Écouter Soulement du vrai français ﻳﻌﻨﻲ ﺗﺴﻤﻊ ﺍﻟﻔﺮﻭﻧﺴﻲ ﺍﻟﭭﺮﻱ ﻟﻲ ﻛﺘﺴﺘﻌﻤﻞ ﻓﺠﻤﻴﻊ ﺍﻟﺒﻠﺪﺍﻥ ﻫﻨﺎ ﻛﻴﻘﺼﺪ ﺍﻟﻠﻐﺔ ﺍﻷﻡ ﻣﺎﺷﻲ ﺍﻟﺪﺍﺭﻳﺠﺔ ﺩﻳﺎﻟﻬﻢ ﻭﻻ ﻫﺎﺩﻳﻚ ﺍﻟﻤﺰﻭﻗﺔ ﺩﻳﺎﻝ ﺍﻟﺸﺎﻁ .
ﻭﻓﺎﻷﺧﻴﺮ ﻧﺘﻤﻨﺎ ﻣﻦ ﺍﻹﺧﻮﺍﻥ ﻟﻲ ﻓﻬﻤﻮ ﺍﻟﻤﻐﺰﻯ ﺍﻟﻌﺎﻡ ﻭ ﻋﻨﺪﻫﻮﻡ ﺭﻏﺒﺔ ﺭﺍﻩ ﻭﺍﻟﻠﻪ ﻣﺎﻛﺎﻳﻦ ﺷﻲ ﺣﺎﺟﺔ ﺻﻌﻴﺒﺔ ﻣﻦ ﺑﻌﺪ ﺍﻟﻌﺰﻳﻤﺔ ﻛﻠﺸﻲ ﻛﻴﻮﻟﻲ ﻓﻴﺪﻳﻚ ﺳﺎﻫﻞ ﺧﺎﺱ ﻏﻲ ﺷﻮﻳﺔ ﺩﺍﻟﺼﺒﺮ ﺍﻟﺤﻤﺪﻟﻠﻪ ﻭﺳﺎﺋﻞ ﺍﻻﺗﺼﺎﻝ ﺍﻟﻤﺘﻄﻮﺭﺓ ﺳﻬﻠﻮ ﻋﻠﻴﻨﺎ ﻛﻠﺸﻲ . ﻫﺎﺩ ﺍﻟﺸﻲ ﻟﻲ عطا الله ﺗﺤﻴﺎﺗﻲ ﻟﻠﺠﻤﻴﻊ ﻭ ﺑﺎﻟﺘﻮﻓﻴﻖ .
- ﺍﻟﺼﻔﺤﺔ ﺍﻟﺮﺳﻤﻴﺔ : https://www.facebook.com/­Français-Authentique-2023452164…/… ﻓﻴﻬﺎ ﮔﺎﻉ ﺍﻟﺠﺪﻳﺪ ﻭ ﺷﻬﺎﺩﺍﺕ ﺩﻳﺎﻝ ﺍﻟﻨﺎﺱ ﻟﻲ ﺣﻘﻘﻮ ﺍﻟﻬﺪﻑ ﺩﺧﻠﻮﻟﻬﺎ ﻭ ﻗﺮﺍﻭ ﺍﻟﺘﻌﺎﻟﻴﻖ ﺩﻳﺎﻝ ﺍﻟﻨﺎﺱ ﺑﺎﺵ ﻣﺎﺗﮕﻮﻟﻮﺵ ﻛﺎﻧﺰﻳﺪ ﻓﻴﻪ .
- Les 7 règles de français authentique :
https://www.youtube.com/watch… ﻛﺘﺎﺷﻔﻮﻫﺎ ﻭﺭﺩﻭ ﻋﻠﻴﺎ ﺍﻟﻘﻨﺎﺓ ﻓﺎﻟﻴﻮﺗﻮﺏ https://www.youtube.com/user/­francaisauthentique…
ﻭﺍﻟﺴﻼﻡ ﻋﻠﻴﻜﻢ ﻭ ﺭﺣﻤﺔ ﺍﻟﻠﻪ ﻭ ﺑﺮﻛﺎﺗه
ملاحظة بسيطة : بلا ماديرو l'inscription القواعد كاينين فاليوتوب و الصفحة الرسمية كتوفرليكم جميع الامتيازات الأخرى. و كنعاود نأكد حتا تشوفو القواعد السبعة عاد حكمو على الباقي.

هادو تطبيقات لتعلم لغات .. لهواتف الأندرويد و هواتف آبل
-1- busuu
2- Duolingo
3- Memrise
4- Hello Talk
5- Mango Languages
6- Babbel
7- Rocket Languages
10-HI Native
11- Speaky