سبب اندلاع الحرب العالمية الاولى........

#اغتيال_ولي_عهد_النمسا_واندلاع_الحرب_العالمية
فهاد الموضوع غنهضر على واحد الحدث كان سبب فاندلاع الحرب العالمية الاولى..نمشيو للموضوع...
"فرانس فرديناند" وريث عرش الامبراطورية النمساوية بلا مندخلو فحياتو الشخصية موهيم هاد السيد كان مكروه سياسيا وتقريبا كلشي حاقد عليه..موهيم ف1911 تأسسو شي جمعيات سرية الهدف ديالها هو التخريب هاد الجمعيات جامعة غير الحاقدين والجنوبيين تحت اسم البوسنة الشابة وفنفس الوقت تأسسات واحد العصابة سرية للصرب سميتها "مجموعة القبضة السوداء من أجل سيادة الصرب"موهيم لحد الآن كولشي مفهوم...كان الهدف ديال هاد الجمعيات هو يطيحو الحكومة، وباش يطيحو الحكومة خصهم ينفدو خطة اغتيال هنا فين غيبان واحد السيد سميتو "غافريلو برينسيب" هاد السيد جاي من غرب البوسنة وكينتامي لطبقة الفلاحين من الطبقة الفقيرة وهو واحد من عصابة القبضة السوداء..موهيم هاد "غافريلو" سمع بلي الأرشيدوق "فرانس فيرديناند"غايزور "سراييغو" باش يحتافل فيها بعيد "سانت فيتوس" ومنها نيت يشوف المناورات العسكرية تما وهاد عيد سانت فيتوس هو ذكرى لأشهر جوج معارك دازو فتاريخ الصرب وهاد الأرشيدوق نصحوه المخابرات باش مايمشيش لايتم اغتيالو ولكن متسوقش ليهم ودار لي فراسو ومشى، موهيم هاد "غافريلو" قال بلي هادي هي الفرصة ديالو ومشى اجتامع مع 3 ديال رجال من العصابة وواحد الكولونيل "دراغويتن ديميتريفيتش" معروف باسم "آيبس"هادي سميتو ضمن عصابة القبضة السوداء، موهيم هاد الكولونيل هو لي كايجند المتآمرين ضد النظام وهو لي تكلف بخطة الاغتيال، الخطة هي يتخباو فدار ديال "دانيلو إيليك" حتى هو معاهم فالعصابة وعطاهم "جرعات الزرنيخ"يستعملوها فالانتحار ايلا تشدو..موهيم هذا هو البلان مشاو تدربو على خطة الاغتيال لمدة سيمانة فواحد الحديقة ف"بيلغراد"موهيم دازت سيمانة ووصل العيد ف1914 جاي الارشيدوق ومرتو ومعاه موكب مكون من 6 طوموبيلات غادين لقاعة الاحتفالات وفديك الطريق كانو افراد العصابة لي غينفدو الاغتيال وتفرقو كل واحد فبلاصة باش ايلا فشل واحد يكملو لخرين موهيم بقاو كيتسناو اللحظة الحاسمة، موهيم هاهوا الارشيدوق جاي فطوموبيلتو مع مرتو لاحو ليها افراد العصابة واحد القنبلة ولكن مجاتش فيه جات فطوموبيلة تانية لي كانت ورا الارشيدوق القنبلة تفركعات وتشرشمو عباد الله هنا غيخاف خونا لي لاح القنبلة لايشدوه غايسرط ديك حبة الزرنيخ وغيموت قبل ميشدوه. هنا الموكب غايوقف شوية وغيكملو طريقهم دراري لخرين ديال العصابة قالو الخطة فشلات والانقلاب فشل ومقدروش يكملو، هنا "غافريلو" غايمشي لواحد القهوة فشارع "فرانز جوزيف" غيجلس فيها وغيشرب قهيوة، شوية المسخوط ديال الارشيدوق قاليهن غنمشيو لواحد مستشفى عسكري باش يشوف الجرحى ديال الانفجار اللول كيف بقااو ويطمأن عليهم عاد يكمل طريقو وهاد سبيطار كان حدا القهوة لي جالس فيها "غافريلو" هنا غينوض واحد صداا بين قائد شرطة سراييغو والحاكم العسكري لديك المنطقة ووقع واحد تخلويض فالترتيبات الامنية حيت ديك المنطقة مفيهاش الأمن ومامحمياش ومكيناش حراسة امنية تما موهيم بقااو واقفين شوية قدام القهوة لي جالس فيها "غافريلو" هههه هنا غاينوض "غافريلو" كمل لقهيوة ديالو وغايشد الفردي ديالو وغايتيري جوج قرطاسات وحدة فالارشيدوق ووحدة فمرتو وقتلهم، ولكن غافريلو منتاحرش بقى واقف حتى شدوه وتشدو معاه لخرين كولهم تعدمو هههه إلا هو حيت كانت عندو 19 عام ومازال مابلغ سن الرشد وحكمو عليه 20 عام مع الاعمال الشادة ومن قوة التعديب لي كان كيتلقااه تقطعو ليه يديه ومن بعد عامين ديال لحبس مات "غافريلو" وخلا العالم مقلوب وهنا غاتعلن الامبراطورية النمساوية الحرب على صربيا وهنا غيتدخلو الحلفاء ديال كل دولة وغاتحول من حرب بين طرفين لحرب عالمية...
هذا لي فصورة هو غافريلو منفد الاغتيال...هذا هو الموضوع نتمنى تكونو استافدتو ✌
بقلم: الساعر