مسلسل تركي سامحيني ...... حلقة الاخيرة

"مسلسل سامحيني" لي عاش مع المغاربة زهاء 6 سنوات و مازال لأن العرض لازال ف"تركيا" بنفسها و كذلك لازالت الحلقات تيتصورو ... مسلسل لي دخل بحال السرطان للأسر المغربية فتنشوفو النساء اصلا معطيهم داكشي يموتو فالتفاهة لكن رجال و شباب و أطفال متبعينو و عايشين معاه اللحظات هنا راسك تيبلونطا ... قلت ما فيها باس نقلب عليه في سيت ديال IMDB (موقع متخصص في الإنتاجات التلفزية، سينمائية، و الوثائقية ..) تيعطيك فكرة عامة على المنتوج و المحتوى و الصنف ديالو زائد أهم حاجة هي التقييم ديال ناس لي شافوه و تقييم ديال النقاد و باش تلقاهم عاطينو 2/10 (علما أن تنقيط تعطى على المسلسل باللغة الأصلية ديالو لي هي تركية يعني لو كان دارو تقييم على الدبلجة محال يفوت 0.5) راه الحضيض ديال الحضيض بمعنى راه مكاين لا إبداع لا فكرة اوريجينال لا تمثيل لا سيدي زكري ... و هنا يبان ليك المجتمع منهاش متكون و درجة الوعي لي فيه لي واصلة للحضيض بعيدا على الطول ديالو فباجماع النقاد انه فاشل و تركيا مصنفاه هو و "مهند" من أفشل الاعمال الفنية التركية على مر التاريخ و مع ذلك جاو للعالم العربي لقاو نجاح منقطع النظير ... فلا حول و لا قوة الا بالله
المهم لي بغا سيري حمق عليه ب "Dexter" قاتل متسلسل و البعد النفسي ليه و كيفاش تينذامج وسط المجتمع و هو عنصر فالشرطة المهم شي حاجة زاز 8 المواسم و كل موسم 12 حلقة و تقييمو ف IMDB 8.7/10 ...

http://cimaclub.com/?s=+Dexter+