كمعلومة كرة القدم الامريكية اصلها .......

كيقما كتعرفو ف( كرة القدم التنس الملاكمة الخ ) ... اغلبها رياضات للي كيتفرجوا فيها العالم كاملة من اجل الاستمتاع بالتيكيتاكا او الضرب الخ الخ الخ .... لكن فقط عند الامريكيين فثبا لك وللإستمتاع ..... ومرحبا بالبيزنيس
هاد الاسبوع المنصرم كانت مبارة السوبر بول ولي هي نهائي بين فريق ( الباتريوت و والايغلز ) فكرة القدم الامريكية .. تقريبا نقدرو نقولو انها مثل نهائي الشامبيونز ليغ .... لكن هاد المباراة وللي كيتفرج فيها اكثر من 120 مليون امريكي .... الشيء للي كيخليها شهيرة ومرتقبة كل عام .. ماشي هي المشاهير للي فيها او طريقة اللعب .. بل الاشهارات فقط ... ايه الاشهارات فقط .... تخيل انه اكثر من 20% من الامريكيين للي كيتفرجوا فالمباراة .... كيتفرجوا عير فالاشهارات للي فيها فقط !!
وغير كمعلومة كرة القدم الامريكية اصلها انجليزي ( الرغبي ) غير الامريكيين عزيز عليهم اعوجوا الحاجة وارجعوها ديالهم وادخلوا فيها التجارة والماركوتينغ ..... ولهذا تخيل شحال دايرين شركات النقل التلفزي باش تنقل غير اشهار فيه 30 ثانية !! 5 مليون دولار يا اخي .... وهاد 30 ثانية كياخدوها غا الفقراء والمحسنين ديال الشركات الصغار ... اجي تشوف الشركات العملاقة بحال كوكا وبيبسي وغيرهم لي كيخدو دقيقة على الاقل !!! وخليني من دوك الاشهارات ديال جيب ليا سعد المجرد اغني على البراكات ديال الضحى وشارجي ليا 5 دراهم روشارج لاحافظك ... لا يا اخي لا لا ... اشهارات عالية المستوى والتصوير بممثلين عالميين ... مع العلم انهم كيلوحو فوق 20 اشهار ... حسبها نتا ودماغك ...
عموما هذا غير الجانب الاشهاري ديال المنتوجات .... كاينين شركات ديال الافلام للي كتسنى غير هاد المباراة باش تلوح الثريلر ديال الفيلم ديالها بحال ستار وارز داك العام .... نفس الشيء لشركات الالعاب ....
وهادشي بلامنحسبو مداخيل الجمهور ... وتخيل ثمن تيكي وحدة ؟ 30 الف درقش ... هادي غير التيكي الحازقة للي كيخدوها المحشرين ... اجي تشوف ثمن ال (VIP ) للي تشري ليك سيارة .... 11 مليون سنتيم ياصديقي غا بالضحك ... وكياخدوها غا خوتنا فالله للي ماخصنا نقولو سميتهم ( ساركازم ) .....
بلاماتنساو الحفلات الغنائية للي كتكون قبل المباراة .. وحتى فمابين الشوطين ( جاستين تامبرليك هاد العام ) ههههه يعني غير فديك الميطا خاصهم ايديرو الشطيح و الاشهارات الخ ... ومنساوش الاشهارات و الاعلانات للي كيكون فجنب الملعب وللي كيكون كثار وفجميع انحاء الملعب .... واخيرا النقل التلفزي وحقوق النقل للي كيتباعو للقنوات الاجنبية بحال البيين و غيرها .... حسبها راسك
خلاصة القول .... ماعرفتش شنو غانقول