اسطورة تشوباكابرا

كلنا تفرجنا فواحد الفيلم كانو فيه مجموعة من الشباب د المدرسة خارجين رحلة ومن بعد خرج ليهم واحد المخلوق اللي مكيفيق غي من 100 عام ل 100 عام كيقصد الناس اللي فيهم اكبر نسبة من الخوف كيقتلع عينيهم و قلبهم ولسانهم هدشي اللي كيحتاج مهم هاد الشخصية ثم اقتباسها من اسطورة تشوباكابرا ( Chupacabra)،اصلها اسباني و ترجمتها حرفيا هي "مصاص الماعز" هاد المخلوق هو مخلوق أسطوري في التراث الشعبي لأجزاء من الأمريكتين، وتسجلات أول مشاهدة مزعومة ليه في بويرتو ريكو، و الاسم ديالو جا من داكشي اللي شهدو بيه الناس اللي شافوه الحيوان وهو انه حيوان كيقوم بمهاجمة وشرب دم المواشي، و كايقصد غ الماعز.

الشكل اللي ترسم بيه هو رسم ناجم عن بزااف ديال الاوصاف اللي عطاوها الشهود بحيث شي كيزعم على أنه مخلوق ضخم الجثة، وبحجم دب صغير، وفيه بزااف د الأشواك اللي كتمتد من الرقبة حتى الذيل.
اول مشاهدات تسجلو للشهود كانت في بورتوريكو كانت عام 1995، ومن هاديك الوقت بداو فالتبليغ على المشاهدات شمالا حتى ولاية ماين، وجنوبا حتى تشيلي، قالك وشافوه حتى في دول خارج الأمريكتين بحال روسيا والفلبين، ولكن أغلب التقارير ثم تجاهلها لعدم كفاية الأدلة أو حتى وجودها.
الفيلم اللي تجسدات فيه هاد الأسطورة هو Jeepers Creepers
الرابط ديال الترايلر ديالو هو : https://www.youtube.com/watch?v=Quy0zQ1PXVw