الستاتي باغي الوسام

انتظرو قديفة الهاون من اختراع الستاتي...كتحارب من نيتك ؟ كتهز كمنجة وتبدى تخربق علينا سيدنا سيدنا وكتسمي راسك جندي محارب ؟..انت هو موحا اوحمو الزياني ؟ انت هو محمد بن عبد الكريم الخطابي ؟ انت هو عباس المساعدي ؟ انت هو الشريف الريسوني ؟ انت هو محمد الزرقطوني ؟...لا انت سميتك الستاتي..هادوك هزو القرطاس وانت هزيتي الكمنجة..هادوك حاربو الاستعمار وقاومو تال آخر نفس..هادوك حررو البلاد..هادوك اعطاو حياتهم فسبيل البلاد..وانت اش درتي ؟ هزيتي السلاح وحاربتي ؟ لا، قاومتي الاستعمار ؟ لا، حررتي البلاد ؟ لا، مادرتي تاحاجة فقط هزيتي الكمنجة وغنيتي سيدنا سيدنا وبلا حشمة بلا حياء كتسمي راسك جندي ومحارب..ومن نيتك كاتهدد الأعداد وضد فيهوم غادي تحط أجزاء خرين من الاغنية التافهة العياشية ديالك..يحساب ليا اختارعتي شي كلاشنكوف ولا شي قديفة تخلع بيها الأعداء..سير تكمش راكم وسختو الدنيا..ويلا بغيتي وسام قولها نيشان وبلا ماتبقى تلوااا بحال شي عوة ناقصة قوة...جندي محارب قالك...الزفت


شارلي بالدارجة