اكتشاف مجرة تبعد عن الأرض بـ 600 مليون سنة ضوئية في إتجاه .......

اكتشاف مجرة  تبعد عن الأرض بـ 600 مليون سنة ضوئية في إتجاه .......  

المجرة الحلقية #هوغ #Hoags_Object
في سنة 1950 تمكن عالم الفلك الأمريكي Arthur Allen Hoag من إكتشاف واحد المجرة غريبة جداً .. كتنتامي لنوع من المجرات كيتسمى مجرة حلقية Ring galaxy .
مجرة Hoag كتبعد عن الأرض بـ 600 مليون سنة ضوئية في إتجاه كوكبة الحية Serpens .. وكتعتابر أدق مجرة حلقية تم إكتشافها لحدود اليوم .
تتكون هاد المجرة من 2 تكتلات نجمية .. كاينة الحلقة الخارجية الكبيرة لي فيها تتم ولادة نجوم جديدة كتبان باللون الأزرق .. هاد الحلقة كيوصل القطر ديالها لـ 75.000 سنة ضوئبة .. وكاين المركز ديال المجرة لي كيبان باللون الأصفر وهو تكثر ديال النجوم .. وكيوصل القطر ديال المركز الى 17.000 سنة ضوئية.
ومابين الحلقة الخارجية و المركز ديال كيبان واحد الفراغ كبير .. في الواقع داك الفراغ فيه نجوم ولكنها مكتبانش لأنها قليلة ومتفرقة فيما يسمى "العناقيد المفتوحة Open cluster"
ومع ذلك كيبقى سبب تكون هاد النوع من المجرات غامض .. ويعتقد العلماء أن سبب وجود مجرات بهاد الشكل راجع لإندماج مجرتين او مرور مجرة صغيرة من مركز مجرة كبيرة كيسبب في الاختلال الثقالي .. وكاين إعتقاد اَخر يقول ان السبب فهاد الشكل راجع لظاهرة معينة ضربات هاد المجرة لي كانت في الأصل مجرة حلزونية ضلعية.
روابط :
بحث لعالم الفلك Schweizer, François من جامعة Harvard نشر بالمجلة العلمية Astrophysical Journal
http://adsabs.harvard.edu/cgi-bin/nph-bib_query…
صورة المقراب الفضائي Hubble Space Telescope للمجرة الحلقية Hoag's Object
http://heritage.stsci.edu/2002/21/big.html
بكلافي : Youssef Ait Ouarssas
#SPACE_CURIOSITIES