قصة من وحي الخيال : ملل قاتل

كتكون مريح هاز تليكموند كتقلب بين قنوات ...علاش كتقلب معرت ...مهم كتقلب ربما طيح في شي حاجة تعجبك ...في نهاية لمطاف تلقى راسك دوزت جوج سوايع و انت غير كتقلب ...يجيك ملل قاتل ...في نفس لوقت ما فيك ما تخرج حيث اصلا ما كاين فين تخرج ....مادام تمشي لنفس بلايص لي كتمشي ليهم كل يوم ....وخا تبغي تبدل ما كاينش خيارات....
في لحظة و أنت في كوزينا ..كتحل ثلاجة كتلقها عامرة الحمد لله ...باقي ما دخلتكش لحزقة ...لي كتولي ثلاجة عامرة سوبيرات خاويين ...و قرعة ديال خل تفاح ...نص بصلة ...واحد عشرة هريسة في ميكة محطوطة في قنط ثلاجة ....جوج مسمنات ملويين في زيف بيض ....قبطة ربيع معدنوس....نص حامضة محطوطة مقلوبة ...
في لفريغوا لفوق كتلقى ديك لعيلبة واحد مادة فحال جيلاتين وسط بلاستيك ما كتجمدش كتبقى ديال الى طحت توعت او تفدعت او تبوقلت كتهزها تكمد بيها ضربة ....ثلاجة دابا عامرة لكن جمجمة خاوية من الافكار ....مورال ماشي ديال طياب ...هنا كتفكر مباشرة في مطيشة ولبيض اكثر وجبة تتمشى مع حالة ملل و اكتئاب لي شداك ...
كتجبد مطيشة و لبيض...كتبقى تفكر بعوووومق...واش نقي مطيشة ولا نضرب دين مها هكاك ...شوية كتقول لا نحكها ...كتعكز كتقول نديرها دواور نخوي فوقها 4 لبيضات ....في الاخير كتقرر تحكها باش تمذمج مع البيض...
و انت كتصيب مقيلة كيصوني تليفون لي هو اصلا معاك في كوزينة كنت طالق play liste ديال بوب مارلي ...مرة مرة كدير فيها كتعرف تشطح داكشي ديال كرايب و راسطات ...لكن انت في حقيقة كون صورك شب حد تخرى على راسك بضحك...راك مهزلة موووووضحة ....
كيصوني تليفون ...ألو شكون معايا ...ويلي ما عندكش نمرتي !! ...و علاش خاصها تكون عند نمرتك مثلا ... حيث توحشتك بغيت نشوفك عارضة علك ...عطني ساعة و نص نكون تحدث دار نصوني علك هبط ....اختي وقيلة راه غالطة في نمرة ....لا واش انو فلان ولد فلانة... اييييه هو هذا ...عندك فايس كنقرا لك كنتبعك ..انت ما كتعرفنيس لكن انا كنعرفك مزيان ....مسافة طريق انا عندك ...الى كنت مسالي ...
كتقطع ...كتبقى تفكر شكون هذه...عنداك يكون شي مقلب....تولي حديث ديال شي group ferme في فايس او واتساب....كترخلي داكشي مقلة كيف ما هو و كدوش و كتلبس...تليفون كيصوني كطل من شرجم كتبان لك سيارة فخمة رباعية الدفع ....تحث دار ...كتهبط فحالك كتعرفها وحدة من اصدقاء فايس ....ديما كانت دوي معاك بالحق انت كنت كتجوب لقد في حد ....زمان سكرين هذا ...
كتمشو تشدو طريق ...كيوقفكم بوليسي ...انت نسيتي سمطة ...حيب انت ما كتبغيس طلب ترغب عفاك أ شاف ...خلصت غرامة وخا ساطة بغات تخلص ...ريحتو في واحد كوان زوين قصتو درتو قهوة ....ضحكتو تعرفتوو....رجعتك لدار ...باي باي بيتنا ألو ..
كطلع فحالك مع كتحل لباب كتلقى لفيضان ...دار كلها كتعوم في الماء لفراش غرق ...نستي روبيني محلول ...كيجو جيران يعونوك في روينة ...بزز كتجمع دار ...كدخل كوزينة كتبان لك ديك مقلة مطيشة محكوكة و لبيض حدها ...كقول مع راسك ...كنت هاني مهني غادي نضرب مقيلة نعمر دكة و نتمزك ...صدقت خارج و مقلة طالعة عليا 300 درهم و دار غرقت...و انت كتفكر كتصوني علك ختنا...كتهز تليفون كتبلوكها في كلشي ...كديزاكتفي لكونط واحد شهر حتى تنسى واقعة ....