اﻟﺴﱡﻌﺎر أو داء اﻟﻜَﻠَﺐ ( اﻟﺠَﻬْﻞ ) الأعراض والأسباب

السعار و لا كيف تنقولو ليه "الجهل" هذا هو موضوع اليوم، لي شحال من واحد مات بيه، قرا الموضوع و عطينا رأيك، حيت أصلا انا تيهمني رأيك كثر، نتمنى ما تخيبونيش 🙏
#السعار_داء_الكلب:
السعار هو واحد العدوى فيروسية خطيرة بزاف تتستهدف المخ و الجهاز العصبي، و يمكن تنتاقل ليك العدوى، إلا عضك شي حيوان مصاب، و فالغالب تيكون قاتل إلا ما تعالجتيش مباشرة بعد العضة.
خاصك تعرف باللي السعار تيكون فالتديات بما في ذلك القرودة و لكن لي معرض للعدوى كثر هوما الكلاب، الخفافيش، الراكون، الثعالب، ابن آوى و القطط و النمس، و هاد السعار تينتقل للإنسان من هاد الحيوانات فحالة إلا عضك، أو قمشك، أو لحس ليك بلاصة ديجا انت مجروح فيها، و عن طريق الفم و العين،اول ما تيدخل الفيروس للجسم تيتكاتر، و تينتقل للحبل الشوكي، و المخ، و غير تيوصل للمخ كيتكاتر بسرعة، و تيدوز ليك للغدد اللعابية و الرية، و باقي الأعضاء.
فحالة تعرضتي للعض و لا قمشك شي كلب فيه السعار، اول حاجة غسل الجرح مزيان بالما و الصابون تحت الما لمدة 15 دقيقة، و من بعد دير شي مطهر او كحول طبي على الجرح، و الجرح خليه مفتوح، و أقرب صبيطار سير ليه و قول ليهم انك تعرضتي للعض، و هنا طبيب غاد يعطيك جرعات من لقاح السعار مع او بدون البروتينات المناعية (immunoglobulin)، باش يمنع المرض ينتشر.
حيت إلا فات حتى بانو عليك أعراض السعار اعتبر راسك من عداد الأموات، و الأعراض هي تتطلع ليك الحرارة (السخنانة)، تتخاف من الما (رهاب المياه)، تحسس للضو (رهاب الضوء), تتخاف من تيارات هوائية (رهاب الهواء) و تجيه هلوسات لي كطور لهديان، و تيبدا يتصرف بحال المجنون.
و تيعتبر التطعم للإنسان و الكلب هو أفضل حل باش توقي راسك من العدوى.
الإخوان موضوع تطرقت ليه بشكل سطحي، و لي عندو إضافة يفيدنا بيها