اللعبة راندوناوتيكا" Randonautica

مؤخرا بانت واحد اللعبة فأمريكا داخلت الرعب فبنادم... اللعبة هادي غريبة و عامرا بالخوف و الغموض كثار من لعبة د"الحوت الأزرق" .

الإسم ديالها "راندوناوتيكا" Randonautica، اللوغو فيه البومة راسا مايل و كاتشوف فيك،

المهمة دهاد اللعبة أنك ملي تشارجيها وتبغي تدخولا كاتطلب منك جوج د الحاجات : 

الأولى أنك تعطيهوم الموقع الجغرافي ديالك. 

الثانية تخبروم بالنية ديالك على الحاجات اللي خصك من اللعبة! مثلا "شيحاجا مزيان أو شي حاجا خايبة ما بين"الخير" أو "الشر" 

ملي كتكمل التسجيل كيبداو يوصلوك مساجات

وعلى حسب الموقع الجغرافي ديالك اللعبة كاتحدد ليك شي بلايص لي قرابين ليلك و تقدار تكون عمرك مشيتيلوم وتما كاتلقا الحاجة اللي خلاولك...

الناس اللي طلبو من اللعبة "شيحاجا مزيانا" كيلقاو شي كادو أو شي بلاصه واعره فحال شي طبيعة أو شي لحظة دالغروب أو البحار المهم شيحاجا اللي عاتفوج عليهوم.

... ولكن المشكل اللي كاين هي الناس اللي طلبو "الحاجة خايبة" و تسجلو فاللعبة من أجل "الشر"

... واحد الولد حددو ليه بلاصه فواحد الغابة وبقى تاباع اللعبة حتى وصل لواحد "الكوخ" مهجورة فوسط الغابة وملي دخال لقا الحبل دالمشنقة معلق وكيتسناه.

ولكن الرعب دبصاح هي الناس اللي كيلقاو الشانطة

كيصفطوهوم لشي بلاصه تاني... كيبقاو تابعين التعليمات وملي كيوصلو لشانطه كيفتحوها كيلقاو بقايا جثث الإنسان.

ونفس القصة اللي وقعات نجوج دالبنات و واحد الولد كانو لاعبين و فاتحين اللايڤ... ملي وصلو لشانطة بغاو يفتحهوها عطات واحد الريحة د الجيفة خانزا !! شكو فيها وماقدروشي يكملو... عايطو عالپوليس داو الشانطه وعلى غدا خرج واحد البيان كيقول أن الشانطة كان فيها بقايا جثة إنسان ...

شي ناس أخرين توصلو لشانطه ولقاو واحد المرا غريبا واقفا قودامهوم بهيئة غريبه كاتشوف فيهوم بطريقه فشكل صوروها و رجعو فحالوم

الشرطة حاليا فتحت تحقيق فهاد القضية وبالأخص ملي وقعت وتعاودت... وكل واحد كيعاود على القصة دالرعب اللي وقعتلو بسباب هاد اللعبة

المهم أخوتي هادشي واقاع فولاية "سياتل" الأمريكية الخبر جديد و فپلاستيكا... باقي مانتاشر فالعالم و الأيام اللي ماجا تقدار تبان حاجات أخرى

#منقول