التحقيق جديد فالقضية النائب هرب لفرانسا من مطار فاس سايس.

رشيد الفايق، كان ناعس هاني حتى فاق لقا راسو حديث الألسن فمدينة فاس، فيديوهات خليعة فيها لكلام و قلّة الحيا باين فيها هو و هاد الفتاة ذات ال 19 سنة، سميتها شيماء البديع.رشيد الفايق هو برلماني عن حزب التجمّع الوطني للأحرار ديال أخنوش، و رئيس جماعة أولاد الطيب في فاس، خرجات هاد الدرّية في فيديو من بعد ما تسرّبوا الفيديوهات ديالها و هي كتمارس معاه الجنس عبر تقنية الشات و عاودات القصة ديالها معاه.واحد النهار بغات تنظم لشبيبة الأحرار و تدخل للسياسة باش تضبّر منها على منصب عمل يعتقها هي و عائلتها من الفقر، حسب ما قالت، رشيد الفايق هزّ النمرة ديالها من إستمارة الإنضمام و إتصل بيها و فاش شافها باقا سنان لحليب، طمّعها و قال ليها غادي نعاونك، و مشات تلاقاتو فقهوة معروفة في فاس، دقائق من بعد لقات راسها معاه فمنزل فاخر حدا ديك القهوة، و نعس معاها بما لا يرضي الله، و من تمّا بدات الحكاية.ولّى ديما كيديها لديك الدار، و كينعس معاها و كيتهلاّ فيها، و إفتض البكارة ديالها، شويا و ربّما بسبب إنشغالات النائب المحترم ما بقاش عندو الوقت فين يتلاقاها، فا قلبوها مسنجر و محادثات فيديو فين بقاو كيديرو الكلام عن بعد.هاد الفيديوهات خرجوا للعلن، و نهزّك أنا فوق راسي و نتسارا بيك لعراسي، و اللي ما يشرّي يتنزّه، و ساكنة فاس قاطبة من زواغة تا لجنان الورد تفرجوا و دّاو ما يعاودوا.البوليس دخل عالخط، من بعد ما رشيد الفايق ضربني و بكا و سبقني و شكا، مشا دار شكاية بالدرّية و بناس خرين إتصلوا بيه بغاو فلوس مقابل يمسحوا الفيديوهات.الشرطة دارت كمين لجوج طلعوا من نفس الحزب الأحرار كانوا دايرين معاه فأحد المقاهي الفاخرة في فاس، اللي تافقوا معاه على خمسين مليون، كان غادي بيها لعندهم تحت إشراف النيابة العامة.شيماء البديع ضغطوا عليها و خدموا التلفونات و الإتصالات باش يبرأو النائب رشيد الفايق، و خرجات الدرية بفيديو ثاني كتنفي فيه جملة و تفصيلا ما قالته فالفيديو الأول و حكّا و الواد راني مريضة نفسانيا و كنشرب الدوا و ما تدّيوش عليا.هاد الهضرة خلاّت وكيلة المليك اللي شادّة الدوصي تعاود التحقيق من جديد فالقضية، جبدات الفيديوهات ديال قلة الحيا حطاتهوم قدّامها، عيطّات على شيماء ول البارح الأحد و عيّطّات على النائب سعيد الفايق.الدريّة جاتالنائب هرب لفرانسا من مطار فاس سايس.