هذا هو داك النوع لي ايلا تماصيتي غا شوية فلصال كيبدا يتملس

كاين واحد النوع ديال الأصدقاء كتكون انت مزلوط و ما فجيبك تا درهم وكتلبس حوايج 3 أشهر مكتبدلهمش حيت الله غالب وهو تيكون خدام بصالير مزيان و كيضرب الحطات و الحديد و مسك عليه الله وانت فرحان ليه عادي . فاش انت كتشري غا حطة جديدة و لا غا سروال هو لخر كيجي كيلوح ليك الهضرا وكتحس بيه حاسدك ومحملكش تشري حتى ديك الشرويطة حيت بغا يبقا يشوفك ديما مكحط و بوفري باش ينشط ويرتاح . هذا هو داك النوع لي ايلا تماصيتي غا شوية فلصال كيبدا يتملس

فيك بحلا كيقلب فشي حولي .. كيبدا يعبر باش يطلعك للميزان ويتأكد . نسبة كبيرة ديال الشباب لي كيموت قبل الوقت ولا كيتلاشا غا بسباب العين ديال هاد الماركة لي كيدخلوا ف خانة الأصدقاء وهوما من أشر خلق الله ! نصيحتي ليك انت لي تتقرا هاد البوسط .. ايلا عندك شي صاحبك بحال هذا أحسن حاجة غادير ليه هي تبوسو وتقنتوا فجنب ديال شي حايط بحال شي خبز كارم وزيد مع الطريق ماتلفتش جيهتو مزال ودير فبالك أن فالدين ديالنا كيفما كاين الحب في الله كاين حتى البغض في الله ✅ انتهى! كازافوبي ✍