الدولة الوحيدة فشمال افريقيا التى

هاد العملة عندنا والله ما تستاهل 11 درهم بالمقارنة مع الدولار ! المغرب معروف كيستورد كثر من داكشي لي كيصدر و أوتوماتيكيا خاص الدرهم ينزل 👇 بلغة الأرقام قيمة الواردات حطمات رقم قياسي ف 2022 وصلات ل 552 مليار درهم في حين أن الصادرات حققات 317 مليار درهم شنو كنفهمو من هادشي ؟ كنفهموا بكل بساطة أن المغرب كيعيش عجز تجاري كبير وصل ل 235 مليار درهم بنمو ديال 54% تقريبا بالمقارنة مع 2021 📉 كنستوردوا تقريبا كولشي نبداو ب النفط حيت حنا الدولة الوحيدة فشمال إفريقيا التي لا تنتج النفط كنستوردوا القمح والشعير والذرة والثمور بالإضافة للكهرباء من إسبانيا عاد زيد مواد البناء خصوصا الحديد + الخشب والبلاستيك وكنستوردوا الأدوية والمعدات الطبية و زيد وزيد حيت مغاديش نسالي .. المغرب كيصدر الفوسفاط هو لي معاون الميزانية ديال البلاد ومعولة عليه الحكومة ديال لعبار كتجي وراه مباشرة الجالية المغربية الله يخلف عليهم بالتحويلات لي كيديرو كل عام وكيبقى القطاع الحيوي الوحيد لي باقي فيه الضو شوية هو السياحة . الواقع ديال المغرب لا علاقة مع الصورة لي كيعطي بحال شي واحد كيبان ليك لابس الدوريجين وراكب على الحديد لخر و ساكن فحي راقي ولكن فاش تتريح معه فالقهوة كيبدا يشكي عليك بالكريدي. وباش تعرف قيمتك الحقيقية خاصك دير التعويم للعملة ديالك تما غتفهم أنك ضعيف ومهلوك حيت فاش غادخل تلعب فالتيران (السوق) بوحدك مايفكك حتى واحد ( البنك المركزي ) غا أنت والعملات بحالك تما غتفهم أنك خصك تركز على الصادرات باش الطلب يكون طالع على الدرهم عوض تبقى غا مستهلك وكسول ✅