حصري للبنات فقط: نصائح_الشيخ

حصري للبنات فقط:
هاد الأيام كايكثر خيطي بيطي وبزاف دالضياف الغير مرغوب فيهم أصلا.. عيالات ونسوان كايجيو باش يبرزطوكم ويشدو النميمة، جايين يشوفو الصالون الجديد ويذوقوا طيابكم لي ماغاديش يعجبهم.

عيالات فضوليات غادي يزوروكم فهاد العواشر باش يزيدو ينكدوا عليكم العيشة ويذكروكم بأن كل بنت كاتبقا بايرة حتى يتبث العكس، وملي يلقاو شي بنت زوينة وصلات طمنطاش عام وحسات براسها وصلات الوقت لي تعيش حياتها وتستامتع بلحظات عمرها وبغات تكمل قرايتها وتفرح براسها كايبقاو عليها بأسئلة غبية وفضولية باش يهرسو الملل والروتين ويشطحوا على الحياة الخاصة للغير:
-مازال ماغاديش نفرحوا بيك؟؟
يا العقروشة، راه البنت فرحانة براسها والزواج ماعمرو كان كولشي ولا رتابط بالفرحة كلها. النجاح وتحقيق الذات أهم بكثير من هاد الخرافة.
او كاتسول بابتسامة عبيطة فيها بزاف د حشيان الهضرة:
- واش ماجايش شي حد ف الطريق! ؟
ايوا الحاجة اش نقول ليك، هو كان جاي وسمع بلي انت هنا وقلب وجهو.

كل هاد الفضول والتدخل ف حياة الاخرين. لو لقا بنت رجال لي تعطيك على وذنيك وتقول ليك ماشي شغلك وماشي زواحي لي واقف بينك وبين راحة بالك وديها فالترهلات والتجاعيد لي بدات كاتبان عليك. كان غايسالي ونتهناو من هاد الاحراج لي ما عندو باش يفيد كثر ما غادي يكرهك فالنهار لي تخلاقيتي فيه بنت فمجتمع مريض.

نهاز تكون شي عراسية ولا خبر خطوبة، كوني هانية العقروشة. قبل ما توافق شي وحدة غادي تجي تكتبها فالفايس والانستگرام وغادي تبدل فوطو دبخوفيل ودير فالسمية أميرة زوجي وانا غادي نطاگيك.

البنات ماتخلاقوش للزواج فقط، والفرحة أفراح ماشي خطوبة فقط.. والسؤال علاش ماتزوجتيش!؟ سؤال وقح وما عندو باش يفيدك وماعندوش جواب أصلا..
نصائح_الشيخ